Valentín García participa na conmemoración das primeiras sentenzas ditadas en galego nos xulgados de Caldas de Reis

O recoñecemento promóveo a Irmandade Xurídica Galega en colaboración con Política Lingüística
Ven, 13/04/2018 - 15:39

O secretario xeral de Política Lingüística, Valentín García, participou  no acto de descuberta da placa conmemorativa das primeiras sentenzas ditadas en lingua galega nos xulgados de Caldas de Reis polos maxistrados Manuel Pereira Costas, Dalila Dopazo Blanco e Encarna Dasi Dorelle.

Este recoñecemento promóveo a Irmandade Xurídica Galega en colaboración coa Secretaría Xeral de Política Lingüística  no marco da campaña Lingua de Lei. 35º aniversario da Lei de Normalización Lingüística.