Alumnado do CIFP Compostela amplía a súa formación no servizo de persoas con discapacidade visual

O conselleiro Román Rodríguez participa nunha cea a cegas organizada en conxunto entre o centro educativo e a ONCE
Mér, 14/03/2018 - 13:14

O conselleiro de Cultura, Educación e Ordenación Universitaria, Román Rodríguez, participou onte pola noite nunha cea a cegas no CIFP Compostela, organizada en conxunto entre a ONCE e o propio centro educativo. A través desta iniciativa, os alumnos e alumnas dos ciclos superiores de Dirección de Cociña (réxime modular), de Dirección de Servizos (réxime modular) e de Xestión de Aloxamentos Turísticos (réxime ordinario) puideron ampliar a súa formación no servizo e atención a persoas con discapacidade visual. Para iso, previamente recibiron clases prácticas por parte do persoal da ONCE.

Xunto ao conselleiro, na cea tamén participaron o director xeral de Inclusión Social da Xunta, Arturo Parrado Puente; o delegado territorial da ONCE en Galicia, Manuel Martínez Pan; a subdirectora xeral de Formación Profesional da Consellería de Educación, María Eugenia Pérez Fernández; o director do CIFP Compostela; Ramiro Esparís, así como alumnos e outros responsables do centro educativo e da ONCE.