Encontre a súa información...

XV Concurso escolar de debuxos sobre dereitos humanos. Defensor do Pobo 2017/2018
Mér, 27/12/2017 - 20:24
Co fin de promover o coñecemento dos dereitos humanos entre os escolares españois, o Defensor do Pobo de España (e. f.), coa colaboración da ONG Globalización dos Dereitos Humanos, convoca o XV Concurso escolar de debuxo, Defensor do Pobo 2017-2018.
 
Establécense os seguintes premios: tres para Primaria e tres para Secundaria, (ESO, bacharelato e ciclos formativos de Grao Medio), así como un para Educación Especial, consistentes nun computador portátil netbook para cada gañador. Os premiados tamén recibirán do Defensor do Pobo unha axuda económica para o seu desprazamento a Madrid a recoller o premio, así como un diploma acreditativo. O xurado poderá conceder accésits ou premios extraordinarios e as mencións honoríficas que considere oportunas, así como declarar deserto calquera dos premios.
  • Os traballos candidatos ao premio faranse chegar, antes do 15 de abril de 2018, á seguinte dirección postal: Apartado de correos 15020, 46015 Valencia.