Que se aprende a facer?
Desenvolver proxectos de fabricación de produtos, realizar proxectos de instalacións e supervisar a fabricación de prototipos, asegurando, no seu caso, a viabilidade da fabricación e instalación, os niveis de calidade e o custo establecido, xestionando os aprovisionamentos e a calidade.
Onde se realiza o traballo?
Este profesional desenvolverá a súa actividade principalmente nas áreas de oficina técnica, definición e desenvolvemento de produtos, prototipos, instalación, compras e control de calidade.
En que postos de traballo?
Debuxante proxectista de mobles, técnico en desenvolvemento de produtos de carpintaría e moble, proxectista de instalacións de carpintaría e moble, técnico en xestión de calidade do produto en industrias da madeira e o moble, técnico en prototipos de carpintaría e moble, técnico en xestión dos aprovisionamentos en industrias da madeira e o moble.
Cales son os módulos deste ciclo?
| Módulos | Horas |
| Administración, xestión e comercialización na pequena empresa | 80 |
| Construción e análise de prototipos de carpintaría e moble | 345 |
| Definición de produto en carpintaría e moble á medida | 240 |
| Desenvolvemento de produto en carpintaría e moble | 270 |
| Formación e orientación laboral | 55 |
| Formación en centros de traballo | 380 |
| Horas á disposición do centro | 80 |
| Procesos en industrias da madeira | 185 |
| Proxecto integrado | 90 |
| Proxectos de instalación de carpintaría e moble | 165 |
| Xestión da calidade en industrias da madeira e o moble | 55 |
| Xestión de compras en industrias da madeira e o moble | 55 |
Que título se obtén?
Técnico superior en desenvolvemento de produtos en carpintaría e moble.
A que outros estudos se pode acceder?
Acceso directo aos estudos universitarios de grao e a outro ciclo formativo de grao superior.
