Unha das 54 prazas para cursar estudos de formación profesional relacionados coa construción en Galicia e unha axuda económica que permita á persoa seleccionada afrontar os custos da viaxe a Galicia, o aloxamento e a manutención durante o período formativo.

Os estudos de formación profesional son formacións de carácter práctico que permiten obter as competencias necesarias para inserirse no mercado laboral.

• 18 prazas de formación específica básica de albanelaría e fontanaría en Coruña.
• 18 prazas de formación específica básica de fontanaría, calefacción, electricidade e telecomunicacións en edificios en Culleredo.
• 18 prazas de formación específica básica de fontanaría, calefacción, electricidade e telecomunicacións en edificios en Ferrol.

18 prazas de formación específica básica de albanelaría e fontanaría na Coruña (597 horas).

• MF0276_1. Labores auxiliares de obra (50h)
• MF0869_1. Pastas, morteiros, adhesivos e formigóns (30h)
• MF0871_1. Tratamento de soportes para revestimento en construción (100h)
• MF0872_1. Recebos e gornecidos "a boa vista" (Unidade Formativa UF0644, 60h)
• MF0873_1. Pintura e materiais de imprimación e protectores en construción (120h)
• MP0134. Módulo de prácticas profesionais non laborais (80h)
• MP3024. Fontanaría e calefacción básica (157h)

18 prazas de formación específica básica de fontanaría, calefacción, electricidade e telecomunicacións en edificios en Culleredo ou en Ferrol (860 horas).

• MF1154_1. Instalación de tubaxes (170 h)
• MF1155_1. Instalación e mantemento de sanitarios e elementos de climatización (Unidades Formativas UF0411 e UF0412, 150h)
• MP0090. Módulo de prácticas profesionais non laborais (160 h)
• MF0816_1. Operacións de montaxe de instalacións eléctricas de baixa tensión e domóticas en edificios (150 h)
• MF0817_1. Operacións de montaxe de instalacións de telecomunicacións (Unidades Formativas UF0540 e UF0541, 150h)
• MP0118. Módulo de prácticas profesionais non laborais (80 h)

Entre 600 e 860 horas de formación, a desenvolver nun período entre decembro de 2022 e xullo de 2023.

A axuda económica é de 6.500 €.

Cóbrase en dous pagos: o primeiro de 3.700 € unha vez que a persoa seleccionada comece a formación en Galicia (pago estimado en decembro de 2022), e un segundo pago de 2.800 unha vez que a persoa superou o 70% dos módulos cursados no primeiro trimestre (estimado en abril de 2023).

• Ser menor de 40 anos
• Ter nacionalidade española
• Residir no estranxeiro nos 2 últimos anos
• Ter vinculación con Galicia (ou ben nacido en Galicia, ou ben residir en Galicia 10 anos ou máis antes de emigrar, ou ben ser descendente de Galicia con vinculación cun concello galego)

• Os nados en Galicia co seu DNI español, pasaporte español ou certificado de nacemento
• Os que non naceran en Galicia pero residisen 10 anos seguidos en Galicia, co certificado histórico de empadroamento dun concello galego
• Os descendentes de galegos, con documentos que acrediten toda a liña descendente desde a persoa nada en Galicia, con certificados de nacemento, libros de familia, etc. e a vinculación cun concello galego co certificado de inscrición no Rexistro de Matrícula Consultar (certificado de padrón de españois residentes no estranxeiro)

66 días naturais a partir do día seguinte á publicación da convocatoria no DOG, é dicir, ata o 24 de outubro de 2022 inclusive.

De forma telemática a través do sistema de admisión a ensinanzas de formación profesional, accesible en:

• Ciclosadmision
• Procedemento ED333B na sede electrónica da Xunta de Galicia

Estímase que a finais do mes de outubro de 2022 se coñezan os candidatos seleccionados.

Estímase que a formación comece a principios de decembro de 2022. A formación desenvolverase de luns a venres, do mesmo xeito que outros ensinos de FP. A asistencia a partir desa data será obrigatoria para recibir o primeiro pago.

Si. Son ensinanzas acreditables de acordo ao Catálogo Nacional de Competencias Profesionais, e por tanto con validez en todo o territorio español, de nivel 1 (por tanto que garanten competencias básicas en actividades simples).

Si, a través do módulo de prácticas profesionais non laborais de cada formación (cun mínimo de 80 horas de prácticas).

• O grao de vinculación con Galicia do interesado
• A experiencia laboral relacionada co sector da construción do interesado, se a tivese
• A formación previa relacionada co sector da construción do interesado, se a tivese

A través do correo retorna.mocidade.fp@edu.xunta.gal ou contactando cos centros educativos onde se desenvolven as ensinanzas:

• CIFP Someso (A Coruña) cifp.someso@edu.xunta.gal
• CIFP Universidade Laboral (Culleredo) cifp.universidade.laboral.coruna@edu.xunta.gal
• CIFP Ferrolterra (Ferrol) cifp.ferrolterra@edu.xunta.gal