Que se aprende a facer?
Realizar as operacións de elaboración e envasado e aplicar os tratamentos de conservación dos derivados cárnicos, vexetais, de peixe e cociñados nas condicións establecidas nos manuais de procedemento e calidade. Manexar a maquinaria e os equipos correspondentes e efectuar o seu mantemento de primeiro nivel.
Onde se realiza o traballo?
Loxística de almacén (recepción, almacenamento, subministración e expedición de materias primas e produtos) e de produción (preparación de equipos, procesado das materias e control do proceso e do produto).
En que postos de traballo?
Elaborador de produtos cárnicos, conserveiro de produtos cárnicos, salgador, curador, elaborador de peixe e derivados, conserveiro de peixe, elaborador de conservas vexetais, conserveiro, elaborador de encurtidos e olivas, elaborador de conxelados e ultraconxelados, elaborador de precociñados, operador-controlador de autoclave, envasador, operador-controlador de liña de envasado, pechador, especialista en tratamentos de frío, recepcionista de materias primas, etc.
Cales son os módulos deste ciclo?
| Módulos | Horas |
| Envasado e embalaxe | 80 |
| Formación e orientación laboral | 55 |
| Formación en centros de traballo | 440 |
| Hixiene e seguridade na industria alimentaria | 110 |
| Horas á disposición do centro | 50 |
| Materias primas, procesos e produtos na industria conserveira | 160 |
| Operacións básicas de elaboración de conservas | 210 |
| Operacións e control de almacén | 55 |
| Sistemas de control e auxiliares dos procesos | 80 |
| Tratamentos finais de conservación | 160 |
Que título se obtén?
Técnico en conserveira vexetal, cárnica e de peixe
A que outros estudos se pode acceder?
Acceso directo ao bacharelato e a calquera outro ciclo formativo de grao medio e, mediante proba, aos ciclos de grao superior.
