Convocatoria programa Grand prix financeiro 2020-2021
Programa enmarcado dentro do convenio de colaboración entre a Consellería de Cultura, Educación e Universidade e a entidade financeira Abanca Corporación Bancaria S.A para o desenvolvemento de actuacións conxuntas a favor do impulso do espírito emprendedor, no marco do Plan Eduemprende.
O obxecto deste programa é desenvolver actividades e xogos para que o alumnado aprenda, dun xeito activo e en primeira persoa, as primeiras pautas de como adaptarse a un orzamento e a importancia do aforro na vida.
Esta convocatoria vai dirixida ao alumnado de 3º, 4º, 5º e 6º de educación primaria dos centros educativos sostidos con fondos públicos dependentes da Consellería de Cultura, Educación e Universidade.
As actividades desta convocatoria comezarán no mes de xaneiro de 2021.
O prazo de presentación de solicitudes amplíase ata o 22/12/2020.
