Que se aprende a facer?
Organizar e realizar a administración e xestión de persoal, das operacións económico-financeiras e da información e asesora-mento a clientes ou usuarios, tanto no ámbito público como privado, segundo o tamaño e actividade da empresa e organismo e de acordo cos obxectivos marcados, as normas internas establecidas e a normativa vixente.
Onde se realiza o traballo?
Administración e finanzas, persoal e recursos humanos, aprovisionamento e comercialización.
En que postos de traballo?
Administrativo de oficina ou despacho profesional, administrativo comercial, administrativo de xestión e de persoal, contable, administrativo de banca e institucións financeiras, responsable de tesouraría, responsable de medios de pagamento, responsable de carteira, responsable de valores, responsable de estranxeiro, administrativo da Administración pública, técnico en xestión de cobros, auxiliar de auditoría, axente comercial de seguros e bancos e institucións financeiras. Xestores administrativos.
Cales son os módulos deste ciclo?
Módulos | Horas |
Administración pública | 90 |
Aplicacións informáticas e operatoria de teclados | 240 |
Auditoría | 75 |
Contabilidade e fiscalidade | 265 |
Formación e orientación laboral | 55 |
Formación en centros de traballo | 380 |
Horas á disposición do centro | 55 |
Produtos e servizos financeiros e de seguros | 90 |
Proxecto empresarial | 165 |
Proxecto integrado | 110 |
Recursos humanos | 130 |
Xestión comercial e servizos de atención ao cliente | 75 |
Xestión de aprovisionamento | 110 |
Xestión financeira | 160 |
Que título se obtén?
Técnico superior en administración e finanzas.
A que outros estudos se pode acceder?
Acceso directo aos estudos universitarios de grao e a outro ciclo formativo de grao superior.