Que se aprende a facer?
Deseñar, impartir e avaliar o ensino dirixido á educación e á formación viaria, incluíndo a relativa á convivencia cos distintos modos de transporte e o seu uso en condicións de seguridade e sustentabilidade ambiental, así como á mobilidade nas vías públicas, incluíndo a relativa á convivencia cos distintos modos de transporte e o seu uso en condicións de seguridade, formando e sensibilizando aspirantes á obtención do permiso ou a licenza de condución, a condutores e condutoras e, en xeral, a calquera persoa usuaria da vía, educando en valores de seguridade viaria e sustentabilidade ambiental do transporte e instruíndo en prevención de accidentes viarios laborais e en mobilidade sustentable e segura.

En que ámbitos se traballa?
As persoas que obteñen este título exercen a súa actividade en pequenas, medianas e grandes empresas dedicadas á formación de condutores e condutoras para a obtención das autorizacións administrativas para conducir e, en xeral, á formación para a seguridade viaria. Tamén poderán exercer funcións relacionadas coa educación viaria, a seguridade viaria laboral e a mobilidade segura e sustentable, en entidades públicas e privadas.

Que ocupacións se desempeñan?
Profesor/a de formación viaria; director/a de escolas de condutores/as; formador/a de cursos de sensibilización e reeducación viaria; formador/a de cursos de mercadorías perigosas; director/a de centros de formación de mercadorías perigosas; educador/a en programas ou actividades de educación viaria en centros educativos, centros de maiores, concellos, asociacións, empresas, e administracións de ámbito estatal, autonómico ou local; asesor/a de seguridade viaria laboral en entidades públicas e privadas; asesor/a en plans de mobilidade en entidades públicas e privadas; docente en seguridade viaria; monitor/a de cursos de condución segura.

Cales son os módulos?