Que se aprende a facer?
Xestionar e comercializar o servizo de transporte de mercadorías e viaxeiros de acordo con especificacións recibidas, e organizar e planificar a explotación das operacións terrestres no ámbito nacional e internacional e no marco dos obxectivos e procesos establecidos.
Onde se realiza o traballo?
Procesos de xestión administrativa do transporte: elaboración de documentos específicos do transporte internacional e nacional de mercadorías e viaxeiros. Procesos de atención e negociación: de planificación e control das operacións terrestres; métodos de traballo e estudo de tempos aplicables ao transporte, organización de almacéns. Sistemas de distribución nacional e internacional de mercadorías.
En que postos de traballo?
Xefe de tráfico ou xefe de circulación, transitarios, axente comercial, consignatario marítimo, xefe de administración en transporte terrestre, aéreo, marítimo e/ou multimodal, xefe de almacén e inspector (transporte de viaxeiros por estrada).
Cales son os módulos deste ciclo?
| Módulos | Horas |
| Almacenaxe de produtos | 105 |
| Aplicacións informáticas de propósito xeral | 110 |
| Comercialización do servizo de transporte | 185 |
| Formación e orientación laboral | 55 |
| Formación en centros de traballo | 380 |
| Horas á disposición do centro | 80 |
| Lingua estranxeira (inglés) | 130 |
| Organización do servizo de transporte terrestre | 215 |
| Planificación e xestión da explotación do transporte terrestre | 215 |
| Proxecto integrado | 75 |
| Relacións no contorno de traballo | 55 |
| Xestión administrativa do comercio internacional | 185 |
| Xestión administrativa do transporte | 210 |
Que título se obtén?
Técnico superior en xestión do transporte.
A que outros estudos se pode acceder?
Acceso directo aos estudos universitarios de grao e a outro ciclo formativo de grao superior.
