PREMIO AO MELLOR ESTUDANTE DE NOIA

 

A Fundación Otilia Millares Vázquez vén de entregar o seu primeiro premio, dotado cun diploma e 3000 euros, ao ex alumno do noso centro, Carlos Maquieira González. Un premio ao mellor expediente académico do curso pasado en Noia. Parabéns para Carlos de parte de toda a Comunidade Educativa do Virxe do Mar

 

 

 

 

XV PREMIO ÁNXEL CASAL

 

Ismael Ramos Castelo foi o gañador do segundo premio no XV PREMIO ÁNXEL CASAL organizado polo Concello de Santiago. O traballo premiado titúlase Capricho (poesía existencial demasiado azucrada.Hai que sinalar que o xurado resaltou a calidade dos traballos presentados nesta ocasión. Parabéns a Ismael e ánimo para continuar dándonos estas alegrías.

 

 

SUSPENSIÓN DAS CLASES

 

Debido a situación meteorolóxica, mañá 3 de decembro, non haberá clases.

 

 

 

MAGOSTO

 

 

 O pasado luns 22 de novembro poidemos degustar as castañas asadas, algunhas un pouco asadas, do noso tradicional magosto. Grazas aos que axudaron e grazas aos que participaron.

 

 

CONCERTO DE SANTA ICIA

 

 

O luns, durante o primeiro recreo, un centenar de compañeiros interpretaron o Himno da Alegría dirixidos por Pilar Melcón. Unha nova versión deste clásico que amosa as cualidades dos nosos alumnos e alumnas

 

 

POLO SAN MARTIÑO, PEÓNS AO CAMIÑO

 

   A asociación Brinquedia fixo unha nova convocatoria do Día do Peón para este xoves 11 de novembro. No IES Virxe do Mar sumámonos a esta iniciativa coa quese pretende recuperar e conservar os xogos tradicionais. Foron varios, rapaces e rapazas, os que se animaron a facer bailar as buxainas de madeira. Por certo, con moito dominio.

 

 
Distribuir contido