CORRELINGUA 2011

O alumnado de 1º de BACH foi, neste ano, o encargado de representar ao IES Virxe do Mar na tradicional carreira do CORRELINGUA. Coma sempre, o IES Virxe do Mar, co galego. A actividade foi coordinada polo responsable do EDLG Xan Ferreira acompañado dos profesores Xosé Rial e María Xosé García.



ENTREGA DOS PREMIOS ÁNXEL CASAL

 

Onte, 3 de maio,  tivo lugar no Concello de Santiago o acto de entrega dos XVI Premios Ánxel Casal. Aqui vai unha foto dos premiados co xurado e o alcalde de Santiago.

Ver máis

 



PREMIOS MINERVA

Ismael Ramos Castelo non deixa de darnos alegrías. Agora é o triunfador da XXXIX edición do Premio Literario Minerva organizado polo Colexio M. Peleteiro de Santiago:

  • 1º Premio de Poesía coa triloxía Circo de tres pistas
  • 1º Premio de Narración con Crónica dos días que te fuches
  • Accésit polo relato Flores para María

Tamén hai que felicitar a nosa alumna Alba Souto Rodríguez xa que nesta edición foi premiada por Mono no aware.

PARABÉNS para os dous de parte de toda a comunidade educativa do Virxe do Mar.



VISITA DA ESCRITORA YASHMINA SHAWKI

Onte estivo no IES Virxe do Mar a escritora Yashmina Shawki. Unha visita organizada pola Biblioteca María Mariño. A escritora, de pai kurdo, falou das súas orixes e da situación de Oriente Medio da que é gran coñecedora e logo o debate, no Clube de Lectura, xirou arredor da súa obra 'Fundación Libélula'. Unha tarde agradable e amena na que nos achegou ao seu espazo creativo...

 



XVI PREMIOS ANXEL CASAL

Ismael Ramos Castelo é un dos  gañadores na XVI edición dos  Premios Anxel Casal, organizados polo Concello de Santiago. O traballo premiado titúlase "Casa Tomada". O xurado destacou nesta ocasión o traballo na arquitectura do poemario formado por catro partes. É interesante o diálogo entre as citas, dunha estirpe de escritoras moi concreta, e a aportación do autor.. Ademais debe salientarse a tensión reservada para o derradeiro verso, na súa precisión e no coidado da palabra".

PARABÉNS para ISMAEL. máis.

Pulsa aquí para obter máis información




XVII CERTAME LITERARIO LETRAS GALEGAS

Xa está en marcha o XVII Certame Literario do IES Virxe do Mar e o IES Campo de San Alberto. Xa podedes comezar a preparar os vosos traballos. Tendes de prazo ata o 6 de maio. Esta é unha edición especial xa que por acordo dos EDLG dos dous centros a partir de este ano o Certame levará o nome de Alberto Romasanta, profesor de historia durante moitos anos do noso centro e recentemente falecido.

Pulsa aquí para ler as bases

 



Distribuir contido