LIBROS DE TEXTO CURSO 2011-12

 Para coñecer a listaxe de libros do próximo curso pinchar aquí

 



MATRÍCULA CURSO 2011-12

 O horario de oficina é de 9:00 ata 13:30

  • 2º BACH: 1 de xullo
  • 1º BACH: 4 de xullo
  • 1º ESO:   5 de xullo
  • 2º,3º,4º ESO: 6 de xullo

 

 

 



ACTIVIDADES FIN DE CURSO

O mércores 22 celebráronse as actividades de fin de curso no IES Virxe do Mar. Competicións deportivas dominaron a xornada a partir da 4ª hora da mañá. Finais de tenis de mesa, de xadrez, de fútbol sala e final de tenis foron as actividades do día que se completaron con dous partidos intensos de fútbol-sala feminino e masculino co Campo de San Alberto. Os gañadores do torneo Virxe do Mar de fútbol-sala foi o grupo Noia F.S, o gañador do Campionato de Tenis de Mesa foi Venancio González, o gañador do Campionato de Tenis foi Tariku e o de xadrez Adrián. As competicións de fútbol entre nós e o Campo de San Alberto foron bastante igualadas cun trofeo para as rapazas do Virxe do Mar no partido feminino e un trofeo para o Campo de San Alberto no partido masculino. Parabéns aos gañadores e grazas a todo pola participación: xogadores e xogadoras, árbitros  e colaboradores.



ROTEIRO POLO BARBANZA

Como en anos anteriores o profesor Xoán Mariño organizou un roteiro para o alumnado de 1º da ESO. O Dolmen de Axeitos, o Castro de Baroña e como recompensa un baño na praia foi o plan para a mañá do luns 20 de xuño. Un xeito lúdico de rematar o curso. Carme Robledo e Antón López foron os profesores acompañantes.



VISITA AO MUSEO DO MAR

O luns 13 de xuño un grupo de alumnos de 2º da ESO foron visitar as instalacións do, recentemente creado, Museo do Mar de Noia. Viron motores e pezas para barcos feitos no pasado industrial de Noia, redes e outros obxectos relacionados coas tarefas marisqueiras da vila, fotografías antigas.... e unhas dependencias que non son as axeitadas para albergar as pezas que tan pacientemente foron xuntando, nunha tarefa de anos, os amantes do Mar de Noia.

 



ENCONTRO POÉTICO CON MARGA DO VAL

O luns 6 de xuño, pola tarde, Marga do Val estivo no Virxe do Mar cos poemas de A cidade sen roupa ao sol recén gañadora do Premio da Crítica 2010. Falounos da súa poesía,  da experiencia vital arredor da construción do poemario e dos espazos xeográficos e sociais da súa obra para que sexa máis doado achegarnos a ela.  Parabéns polo premio.



Distribuir contido