ENTREGA DE PREMIO

O martes 25 de outubro entregáronse na Biblioteca María Mariño os premios do II Certame de Puntos de Lectura. O Equipo de Dinamización da Lingua Galega e a Biblioteca do centro organizan este certame para celebrar o día das Bibliotecas que, como sabedes, é o 24 de outubro. Nesta ocasión o traballo premiado é do alumno de 1º B Francisco Rodríguez del Rio. O segundo premio foi ex-aequo para Alicia Ávila e Paula Ronquete alumnas ambas de 2º da ESO. Parabéns aos premiados que aparecen nesta foto acompañados do coordinador do EDLG Xan Ferreira.



XORNADAS FORMACIÓN DO PROFESORADO

O  pasado sábado 22 de outubro tivo lugar unha nova sesión, no noso centro, das xornadas de formación do profesorado organizadas por Climántica. Nesta ocasión os relatores foron a coordinadora da blogosfera  Dona Susana Vázquez e, nunha segunda parte, o catedrático de medicina legal da USC D. Ángel Carracedo.



XORNADAS FORMACIÓN DO PROFESORADO

O sábado 8 de outubro celebrouse a segunda sesión do curso de formación do profesorado que se está a desenvolver no noso centro, coordinado por D. Francisco Sóñora. Nesta ocasión  o relator foi o prestixioso catedrático de Edafoloxía e de Química Agrícola da USC, D. Francisco Díaz Fierros. Na segunda sesión da mañá o relator foi D. Xosé Álvarez Salgado, investigador do Instituto de Investigacións Científicas do CSIC de Vigo.



VISITA Á IGREXA DE SANTA MARÍA

Como en anos anteriores o grupo de alumnos de  Historia da Arte de 2º de BACH do noso centro foi de visita a  Santa María a Nova. Con esta visita iniciámonos no mundo da arte a través do análise da obra de arte próxima. Neste percorrido aprendemos  percepción de espazos, conceptos de iluminación ou de diferenzas de materiais e tipoloxías tanto de arquitectura como de escultura.


 



 

PRESENTACIÓN CUALE

 

O mércores 28 de setembro levouse a cabo no noso centro a presentación dos cursos de inglés e francés de CUALE. Os coordinadores da materia de inglés  Miguel Fernández, Venancio González e Mercedes Mariño así como a responsable da materia de francés Ana Arca, acompañados do director do centro, informaron aos pais e nais asistentes sobre os diversos aspectos relacionados co inicio do presesente curso. No Virxe do Mar continúase coa oferta de idiomas que se complementa coa sección da Escola Oficial de Idiomas e  as Seccións Bilingües.

 

 



CURSO DE FORMACIÓN DO PROFESORADO

O sábado 1 de outubro deu comezo un curso de Formación do Profesorado no noso Centro. Titúlase O medio ambiente desde as ciencias planetarias: do big bang á ecoloxía. Case medio centenar de docentes están incritos no mesmo. O acto de inauguración estivo presidido polo alcalde de Noia D. Rafael García Guerrero, o director do centro D. Xavier Castro e o responsable do proxecto D. Francisco Sóñora. Nesta primeira sesión a formación correu a cargo do prestixioso xeólogo D. Francisco Anguita Virella.

 

 

 



Distribuir contido