No día de onte, 5 de novembro, tivemos coñecemento dun positivo en Covid-19 entre o alumnado do IES de Vilalonga. Seguindo os protocolos da Consellería de Sanidade, avisouse aos seus contactos estreitos, aqueles que se ubican nos postos escolares e de transporte escolar máis próximos, e os que manteñen unha relación máis estreita, para que iniciasen o seu confinamento á espera da comunicación co corpo sanitario.
A actividade escolar continuará como ata agora, mantendo as medidas de seguridade e hixiene implementadas desde o principio de curso e que pensamos están a dar tan bo resultado. Chamamos de novo á calma e á responsabilidade da comunidade educativa nestes momentos, e felicitamos ao noso alumnado e as súas familias pola boa resposta que están a dar nesta crise sanitaria e educativa.
Anexamos modelo de Carta da Consellería de Sanidade que facilita para estas situacións.
Unha aperta moi forte e moito ánimo.
A dirección / Equipo COVID
| Adxunto | Tamaño |
|---|---|
| CARTA CONSELLERÍA DE SANIDADE.pdf | 143.34 KB |
