MAGOSTO 2017

Esta semana foi unha semana intensa. O venres 10 de novembro celebrouse o magosto no centro, coma en anos anteriores, impulsado e organizado polo departamento de dinamización lingüística.

O alumnado de 4º da ESO e de 1º Bacharelato, axudou no desenvolvemento dos distintos xogos populares que voltaron a encher o patio de tradición e disfrute. Asemade o alumnado de 4º tamén asou as castañas e ofrecía a papatoria da xornada, buscando empezar a financiar a súa viaxe de fin de etapa.

O profesorado implicouse como en outras ocasións,para levar a cabo esta actividade de centro. Actividades que son fundamentais na vida diaria, pois son as que encolan e das que se aprende moito, desde outro prisma, do instituto.

Gustaríanos adicar unha mención especial, ao alumnado encargado da organización deste ano, pois o fixo especialmente ben. Foi unha xornada moi participativa, lúdica e didáctica.

XORNADA DE XOGOS COOPERATIVOS DENTRO DO PROGRAMA TEI (Titoría entre iguais)

O luns 6 de novembro, realizouse unha xornada de xogos cooperativos entre o alumnado de 3º da ESO e 1º da ESO, co obxectivo de cohesionar ao alumnado que participa no programa TEI (titoría entre iguais).

Parabéns e agradecementos para : o alumnado de 3º da ESO que ensinou os xogos cooperativos moi cariñosa e profesionalmente, á colaboración do profesorado que fixo posible esta actividade  e á ANPA co apoio económico realizado, para poder mercar o paracaídas co que se fixeron algúns dos xogos.

Para que opinedes se o obxectivo se conseguiu, achegámosvos un enlace ao vídeo da actividade, e ao álbum de fotos.

Se clicas nesta imaxe poderás ver as FOTOS.

A continuación se clicas na imaxe, poderás ver o VÍDEO.

SURFEANDO EN PATOS

O xoves 28 de setembro, dirixímonos a Patos camiñando desde o instituto, o alumnado de 4º da ESO e as alumnas alemanas. Foi unha xornada, onde disfrutamos dunha modalidade deportiva coma o surf, pola que moitos turistas se achegan ao noso concello. E curiosamente, para moitos dos alumnos era a primeira experiencia coas ondas e a táboa de surf.

As fotos amosan o gran aproveitamento deste día. CLICA NA IMAXE, para ver fotos e vídeos deste día.

O BOLO CELTA VAL MIÑOR NEXO DE UNIÓN CO KEGEL ALEMÁN

O instituto organiza desde hai anos un intercambio cun instituto de Friburgo, e entre outras moitas actividades, este martes 26 de setembro, realizouse unha xornada de bolos celtas, coas 24 alumnas alemanas, que visitaron o noso centro durante estes días .

Pareceunos oportuno, dar a coñecer o noso patrimonio cultural inmaterial. Neste caso a través dos bolos celtas. Pois, sabías que a súa orixe, non é celta? 

Temos un nexo de unión entre Alemania e Galicia, neste deporte popular. Pois a teoría máis aceptada sobre a súa orixe, é que procede dun rito relixioso alemán do século IV, denominado Heidenwerfen (Heide significa ateo en alemán).

Neste século os gemanos levaban un pau chamado Kegel, que tiña forma cónica e que utilizaban como utensilio para o traballo e para defenderse.

PROFE QUE TOCA HOXE? HOXE TOCA FACER KAYAK NO RÍO MIÑO, PASANDO POLO CUNQUEDO, E CHEGAR A TUI.

 O primeiro agradecer a ANPA a colaboración no esforzo económico que fixo para abaratar o precio da actividade para o alumnado.

O alumnado de 3º da ESO, o xoves 1 de xuño, realizou unha ruta en kayak, desde Caldelas de Tui (no Balneario antigo) ata Tui. As fotos amosan que esta actividade mereceu a pena, e os obxectivos están sobradamente superados. O contacto coa natureza, o esforzo físico e reto que supuxo, o incremento nas interaccións positivas entre o alumnado e a cohesión do grupo, novas oportunidades de ocio activo... 

Se queres ver as fotos CLICA

CHEGANDO BEN ALTO. ESCALADA NO GALIÑEIRO, NO SECTOR CORNUS. DA MAN DE MONTAÑEIROS CELTAS.

O martes 29 de maio o alumnado de 1º de Bacharelato acompañado de Ilda, Beatriz e Adela, achegouse ao Galiñeiro para ter unha experiencia directa e intensa coa escalada, da man do club Montañeiros Celtas. Aproveitamos a ocasión para subir ao cumio do Galiñeiro norte. Unha mañá tocando as nubes.

Se queres ver máis fotos CLICA

CELEBRACIÓN DAS LETRAS GALEGAS 2017. CARLOS CASARES.

No IES Val Miñor celebramos o Día das Letras Galegas o martes 23 de maio. Gozamos co espectáculo de Avelino González: “Entre un polbo...e un galo”, unha magnífica representación na que o actor nos achegou á vida e á obra de Carlos Casares. Co seu monólogo fíxonos rir e pensar...

 Alumnos de 1º ESO e 1º Bac. leron algúns textos da literatura galega acompañados co son da guitarra do profesor Tito e da alumna de 1º Bac. Susana.

 Para rematar a celebración, un grupo de alumnos de 1º Bac e 4º ESO representaron a obra “As laranxas máis laranxas de todas as laranxas”.

 Foi unha xornada completa e divertida.

SE QUERES VER MÁIS FOTOS CLICA.

ROTEIRO DA ESMORGA

O venres 12 de maio algúns alumnos de 4º ESO viaxaron a Ourense para realizar o percorrido que seguen na ficción os protagonistas da novela “A esmorga” de Blanco Amor.

 Ao remataren a ruta dirixíronse a Trasalba para coñeceren o pazo familiar do escritor Otero Pedrayo, onde este pasaba os veráns.

 Acompañounos un tempo chuvioso como o que caracteriza o ambiente da novela. Aínda así, a climatoloxía non foi impedimento para que algúns rapaces probasen, pola tarde, as augas quentes das termas da Chavasqueira.

O ILUSTRADOR IVÁN RODRÍGUEZ VISITA O VAL MIÑOR

O luns 8 de maio o ilustrador nigranés Iván Rodríguez, antigo alumno do IES Val Miñor, retornou o centro no que estudara o bacharelato para transmitir aos mozos e mozas de 3º e 4º ESO nocións básicas sobre o humor gráfico en galego. Unha iniciativa que se levou a cabo grazas á coordinación entre o servizo de Normalización Lingüística do concello de Nigrán e o noso Equipo de Normalización Lingüística “O Brión”.

 Foi unha actividade que se desenvolveu no marco da celebración das Letras Galegas 2017.

Podedes ver nas fotos adxuntas o resultado dalgúns gráficos realizados polos estudantes nesa xornada.

Powered by Drupal - Design by artinet