TRABALLO CONXUNTO ENTRE A BIBLIOTECA E A MATERIA DE VALORES ÉTICOS

Durante o mes de marzo, os alumnos e alumnas de 2º de ESO coa súa profesora de Valores éticos Auxi Fernández de León e algúns membros da biblioteca, realizaron varios traballos sobre a biografía de Madame Curie destacando o papel que desempeñou na Primeira Guerra Mundial.

Marie Curie buscou e requisou todos os coches que puido e chegou a poñer en marcha ata vinte “Petit Curie” e dúascentas salas de radioloxía. Reclutou a súa filla Irene, que a acompañou nestas viaxes e converteuse nunha experta radióloga con tan só 18 anos. Entre as dúas chegaron a formar a máis de 150 técnicos. Gran número de feridos pasaron polas súas unidades de Raios X e calculase que salvou máis dun millón de vidas.

SOLIDARIEDADE NA III MILLA DE FANCONI

O domingo 26 de marzo, o instituto participou na III milla solidaria de Fanconi. Foi unha xornada chuviosa, pero cando tocaba correr, o ceo deu unha tregua. Esforzo e superación, valores que tódolos días nos amosa Juan. Estamos contigo!!! A por todas!!!

CELANOVA 2017

O mércores 29 de marzo 22 alumnos de 3º ESO visitaron a vila de Celanova e a de Vilanova dos Infantes. Coñeceron alí o mosteiro de San Rosendo, a Casa dos Poetas, Torre Comarcal de Vilanova e a adega de San Vivián.

Puideron asistir tamén a un concerto didáctico de órgano impartido dende o mesmo coro do mosteiro. Dous alumnos Nair Piñeiro e Juan Luis Estévez de 3º ESO B, animáronse a acompañar o son do órgano coa frauta; interpretaron xuntos un fragmento dunha peza de Haendel.

"A viaxe a Celanova foi unha fermosa experiencia digna de repetir. Gocei moito coa visita ao mosteiro barroco... e coa da pequena capela exterior de estilo mozárabe"... di Pablo Lamothe de 3ºESOA.

VISITA AO CENTRO DA ESCRITORA INMA LÓPEZ SILVA

O 16 de marzo estivo co alumnado de 1º e 2º Bach. do IES,  Inma López Silva para falarnos do seu libro Aqueles días en que eramos malas. Contounos como se documentou, como foi escribindo a novela e contestou as curiosidades do alumnado que lera o libro.

https://valminortv.com/2017/03/13/marzo-e-o-mes-da-muller-no-ies-val-minor/

QUE TEN QUE VER A QUÍMICA CON NÓS

Este luns, 20 de marzo, o profesor de Química Orgánica da USC Ricardo Riguera deu unha conferencia ao alumnado de 4º da ESO e 1º e 2º de Bacharelato sobre a importancia da Química, destacando o seu uso nos fármacos, plásticos, biotecnoloxía, ecoloxía, nanotecnoloxía...

VISITA DE MARTA MÍGUEZ TELLE. ACTUAL SECRETARIA XERAL PARA O DEPORTE.

O venres 17 de marzo, honrounos coa súa visita a Secretaria Xeral para o deporte para falarnos do deporte feminino, e serviunos como gran referente. Pois é unha muller con grandes éxitos, recollidos no seu palmarés coma lanzadora de xavelina. E como muller cunha alta responsabilidade nun alto cargo no goberno autonómico. Foi un acto de visibilización e de empoderamento. A continuación achegamos fotos da mesa redonda, onde algunhas alumnas deportistas do centro. Podedes atopar nos arquivos adxuntos a presentación feita polas alumnas.

Repercusión na prensa. https://valminortv.com/2017/03/17/a-secretaria-xeral-para-o-deporte-presenta-o-programa-mulleres-bravas-bravisimas-no-ies-val-minor/

ULTIMAS RECETAS CON TERESA

O alumnado de 1ºC-ESO  recibiu hoxe por parte de Teresa unha estúpenda clase de cociña. Fixeron un postre tradicional italiano - Tiramisú -e Tarta da avoa.

O LUNS 20 DE FEBREIRO O ALUMNADO DO PROGRAMA TEI VIVIU UNHA XORNADA DE SENDERISMO, APADRIÑAMENTO MOTEIRO E MÚSICA.

Os alumnos e alumnas de 1º e 3º da ESO viviron unha xornada de afianzamento da súa relación mediante actividades de senderismo, coñecemento dos valores moteiros dos costumeiros de Galicia (Custom Vulcan Galicia) e de dous grupos musicais. Ao mesmo tempo, o alumnado de 3º da ESO recibiron os carnés que os identifican como titores/as dos alumnos e alumnas do primeiro ano. Nestas actividades tivemos o seguimento de diversos medios informativos entre eles destacar Val Miñor TV, FARO DE VIGO e a Televisión de Galicia (aquí tedes os enlaces):

http://www.crtvg.es/informativos/un-instituto-de-nigran-quere-favorecer-a-convivencia-a-traves-de-padrinos-2739720

http://www.crtvg.es/tvg/a-carta/galicia-noticias-seran-2739733

O alumnado de 1ºC-ESO acode a representación de danza contemporánea : MULLERES EN ACCIÓN -VIOLENCIA ZERO

Os alumnos e alumnas de 1º ESO-C acudiron hoxe 21 de febreiro a praza do Concello de Nigrán a ver o espectáculo de danza contemporánea da formación PERDOMUS. Un alegato contra a violencia da muller organizado pola Deputación de Pontevedra.

Powered by Drupal - Design by artinet