Regueifando no Val Miñor
Un curso máis participamos no obradoiro de regueifas organizado pola asociación ORAL de Galicia e subvencionado pola deputación de Pontevedra. O alumnado de 3ºESO coa materia de Oratoria aprendeu da nosa tradición para proxectala cara ao futuro en forma de copla e desafíos, aprendendo dos mellores: Luís o Caruncho na primeira sesión e Bieito Lobariñas na segunda. Agora a ensaiar e a ver se somos seleccionados para participarmos no certame provincial.
MAGOSTO 2023
(Clica para ver as fotos e vídeo) Polo san Martiño trompos ao camiño e pola santa Olaia, trompos á borralla. O venres 10 de novembro celebrouse o magosto no centro. O asado de castañas e os xogos populares, fixeron do día, unha xornada chea de risas, movemento, interacción, olor a castañas, participación, convivencia, que crearon un ambiente cálido e distendido, onde nos transportamos ás tradicións do outono. Faltaba o veraniño de san Martiño, pero se chove que chova.
Charla sobre o acoso escolar para o alumnado de 1ºC-ESO. RELATORA EVA MÉNDEZ DO CENTRO DE APOIO EDUCATIVO APREHENDO.
Hoxe, 25 de outubro de 2023, recibimos a Eva Méndez Santos, do centro de apoio educativo APREHENDO de Gondomar.
A súa charla abordou o tema do acoso escolar co alumnado de 1ºC-ESO.
Queremos agradecer a relatora o seu bo facer e a sintonía que acadou cos alumnos e alumnas. Por sorte, pronto volverá para tratar deste mesmo asunto cos grupos de 3º de ESO.
O CLUB DE LECTURA comeza o curso 2023/24 con estas dúas novelas: Mentira de Care Santos e Morning Star de Xosé Miranda.
O club de lectura do IES Val Miñor comeza con estas dúas novelas. A primeira pensada para a ESO e a segunda para Bacharelato.
PROXECTO DE COMUNICACIÓN E PREVENCIÓN DO VAL MIÑOR. SESIÓN INFORMATIVA LUNS 23 DE OUTUBRO ÁS 18:30 horas..
O próximo luns 23 de outubro ás 18:30 horas no Salón de Actos do IES VAL MIÑOR terá lugar a sesión informativa sobre o proxecto de comunicación e prevención do Val Miñor (Habilidades comunicativas intrafamiliares e prevención de consumo de tóxicos) cuxas relatoras son persoal sanitario cualificado en habilidades sociais.
Estará dirixido para as familias e o alumnado de 3º de ESO.
OBRADOIRO DE EDUCACIÓN MEDIÁTICA PARA O ALUMNADO DE 3º DE ESO.
O obxectivo do obradoiro realizado en colaboración co CIM e con Cru Producións é reflexionar sobre o presente e o futuro da educación mediática tendo presente de maneira especial a necesidade de suscitar actitudes críticas respecto aos medios de comunicación e produtos audiovisuais.
REPRESENTANTES DO CENTRO JUAN MARÍA FALÁRONLLE AO ALUMNADO DE 1º BACHARELATO DO VOLUNTARIADO.
Vane, Yago e David, alumnos do centro de Educación Especial, faláronlle ao noso alumnado de 1º de bacharelato do voluntariado. Agradecemos o seu gran labor e as súas ensinanzas. Grazas por todo.
O CLUB DE LECTURA O NIÑO DO BRIÓN COMEZA UNHA NOVA ANDAINA NESTE CURSO 2023-24.
O club de lectura do IES VAL MIÑOR comeza un novo curso con renovadas ilusións e con máis participantes que nunca.
Boa lectura para todos e todas!.
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »