Que fan os parrulos cando os ríos se xean?

Con esta pregunta rematou a lectura de Mentira, o libro de Care Santos.

E tamén co desexo de continuar lendo Verdade. Algunhas das achegas finais da novela  foron as seguintes:

Conseguiu engancharnos. 

Era moi dramático.

Ten un final sensato.

Non sei que dicir de Ben. É bo e malo á vez.

Xenia e Marcelo queríanse. Sabían todo deles.

Máis cárcere que o que tiña na vida Marcelo non era. A súa situación era extrema na vida, por iso, prefería estar dentro.

O alumnado de 3º de ESO rematou este venres 24 de novembro o seu obradoiro de Educación Mediática no Auditorio do Concello de Nigrán. O acto serviu tamén para  manifestarse en contra da violencia contra as mulleres. Dende aquí queremos dar as grazas ao CIM e a produtora CRU  polo seu traballo e dedicación.

Para ver máis fotos CLICA

CLICA para ver o vídeo e as fotos da actividade.

O pasado 23 de novembro o alumnado de 2º ESO realizou unha saída á Guarda e Tui. Sobre as 10:15h chegamos ao porto da Guarda. Dende aí, e dando un agradable paseo á beira do mar, chegamos á praia de Camposancos, para subir ao monte Trega. As explicacións do guía transportáronnos ao mundo celta: costumes, crenzas e tradicións. A saída rematou na vila de Tui. Percorrer as súas rúas e a visita á catedral, coas explicacións do profesor de Historia, Daniel Mulet, puxeron final a un día no que luciu un sol primaveral. As vistas foron magníficas.

O pasado martes 21 de novembro, o alumnado de 4º de ESO que cursa a materia de Bioloxía e Xeoloxía e PDC, realizaron unha saída ó río Muíños para estudar as principais características do ecosistema fluvial.

Nun percorrido de 500 m aproximadamente, describíuse a vexetación e as carcaterísticas xerais do cauce, incluindo todos aqueles elementos que constitúen unha agresión ó ecosistema fluvial (aliviadeiros, colectores, construcións, refugallos, contaminación acústica...). Con toda esta información elaborouse un croquis do tramo estudado do río .

Tras unha ardua deliberación por parte do xurado, acordouse conceder os premios dos concursos de Samaín aos seguintes alumnos e alumnas:

• Microrrelatos de medo:
• Categoría 1º e 2º ESO:
• 1º premio: Xoana García Pérez (2º ESO A)
• 2º premio ex aequo: Moraima Fernández Míguez (1º ESO C) e Inés Fernández Gefaell (2º ESO C)
• Categoría 3º e 4º ESO:
• 1º premio: Elba Guntín Van Der Meer (3º ESO B)
• 2º premio ex aequo: Erik Roade Montenegro (4º ESO C) e Noa Sío Torres (4º ESO C)
• Autoepitafios:
• Ariadna López Fernández (2º ESO C)
• Anxo Couso Pereira (2º ESO B)
• Xoel Vázquez Molares (2º ESO B)

Parabéns aos premiados e a todos os participantes!

Podedes consultar os traballos vencedores no documento adxunto.

O 30 de outubro, o alumnado de Oratoria de 3º e 4º de ESO e alumnas de 1º de ESO e 2º de bacharelato acudiron ao CEIP Humberto Juanes para divertir e arrepiar cos seus contos aos cativos e cativas de Educación Infantil e Primaria. Velaquí unha selección de fotos da actividade:

Deron comezo, despois desta tempada de diluvios, os torneos de distintos deportes nos recreos. Nestes momentos estase a xogar unha liga de fútbol e un torneo de tenis de mesa.

Como en anos anteriores, e continuando coa adhesión ao contrato programa innova, na súa liña EduSaúde realízase esta actividade que forma parte dun compendio de propostas, dirixidas a favorecer o incremento do tempo de actividade física do alumnado, que terá repercusións directas na súa saúde, entre outros beneficios.

CLICA

Un curso máis participamos no obradoiro de regueifas organizado pola asociación ORAL de Galicia e subvencionado pola deputación de Pontevedra. O alumnado de 3ºESO coa materia de Oratoria aprendeu da nosa tradición para proxectala cara ao futuro en forma de copla e desafíos, aprendendo dos mellores: Luís o Caruncho na primeira sesión e Bieito Lobariñas na segunda. Agora a ensaiar e a ver se somos seleccionados para participarmos no certame provincial.