VISITA AO PERGAMIÑO VINDEL

O alumnado de 1ºBACH, visitan o Pergamiño Vindel no Museo do mar, o xoves 22 de febreiro

O alumnado do IES Val Miñor visitou o Museo do mar para coñecer o Pergamiño Vindel, tesouro da nosa cultura galego-portuguesa, por ser o único texto medieval que recolla a notación musical de seis cantigas de amigo de Martín Códax, xograr do século XIII, probablemente de Vigo.

Asistiron primeiro a unha interesante explicación sobre os materiais empregados na elaboración do Pergamiño; puideron comprobar as dificultades da escrita naquel tempo. A continuación percorreron a exposición arredor do Pergamiño Vindel e a súa época.

Unha xoia que permanecerá entre nós ata marzo, mes no que retornará a Library Morgan de Nova York.

AFRICA GONZÁLEZ RECOLLE O PREMIO MULLER CIENTÍFICA IES VAL MIÑOR 2018

O luns 19 de febreiro ás 17:00 horas África González, catedrática na Universidade de Vigo e presidenta da sociedade española de Inmunoloxía recolleu o premio MULLER CIENTÍFICA  IES VAL MIÑOR 2018. Rodeada de toda a comunidade escolar deste centro educativo, de autoridades ,  de compañeiros e compañeiras científicas do CSIC, do Oceanográfico de Vigo e de familiares agradeceu o agasallo ao mesmo tempo que nos deleitou cunha magnífica conferencia sobre muller e ciencia.

CELEBRANDO O DÍA DA PAZ

Desde o departamento de Tecnoloxía celebrouse o día da Paz creando códigos de resposta rápida (códigos QR) con frases sobre a paz enunciadas por personaxes históricas ou ben con videos sobre esta temática.

NO IES VAL MIÑOR COMEZAMOS A CELEBRAR O DÍA INTERNACIONAL DA MULLER E DA NENA NA CIENCIA

Pilar Riobó e Mar Nieto Cid do Instituto de Investigacións Mariñas (CSIC) e Luisa Martínez Lorenzo, da Delegación CSIC en Galicia impartironlle aos alumnos e alumnas de Bacharelato a conferencia que levou por título " CIENCIA EN FEMENINO". Grazas por todo o bo que nos ensinastes.

DÍA INTENSO NO XIMNASIO EN SABARÍS

O mércores 24 achegámonos ao ximnasio Be One en  Sabarís, para ter unha experiencia diferente de adestramento, onde a consigna era, "hai que subir as pulsacións imos a facer un circuito metabólico". Coma sempre o alumnado se implicou ao máximo. As actividades realizadas foron Padel e circuito heroican.

Agradecer ao persoal e a xerencia do ximnasio a súa xenerosidade ao abrirnos as portas da súa instalación. E a ANPA por axudarnos na financiación dos bus. 

CLICA NA FOTO  para ver cómo aconteceu a xornada.

CARTEL ELABORADO POLO ALUMNADO DE 1º DA ESO DENTRO DA CAMPAÑA DE LIMPEZA

Aquí un dos carteis que o alumnado de 1º da ESO elaborou dentro da campaña de orde e limpeza do centro educativo.

As enerxías renovables e o proxecto LifeDemoWave.

O pasado 13 de Decembro os alumnos de segundo de Bacharelato das materias de Ciencias Da Terra e do Medio Ambiente e de Tecnoloxía Industrial II vistaron a empresa Quantum Innovative na que se está levando a cabo o proxecto LifeDemoWave. Na xornada explicarón a importancia das enerxías renovables na loita contra o cambio climático, destacando a importancia da enerxía undimotriz(xeración de enerxía eléctrica mediante as ondas). 

Adestramento de élite de tenis de mesa, coa agrupación deportiva Vincios.

Os alumnos Pedro, Myka, Daniel e Antón disfrutaron dun adestramento de alto nivel coa agrupación deportiva Vincios, por seren os gañadores do torneo de tenis de mesa dos recreos. Este clube ten un equipo que participa en Super División ( a máxima categoría a nivel nacional). Que por certo o venres 26 teñen competición en Gondomar, por si queredes achegarvos e disfrutar deste deporte.

Sobre todo queremos agradecer a Anxo, Héctor e Pablo Casal o seu altruismo, e que se volcaran tanto cos nosos rapaces. Foi unha xornada intensa, fixeron unha primeira parte de adestramento de moita técnica, e unha segunda parte de condición física específica deste deporte.

Un día para lembrar. O obxectivo entre outros é ofrecer novas posibilidades de ocupación activa do tempo de ocio, visibilizar un deporte minoritario, e continuar fomentando un patio activo e saudable.

PROGRAMA RE-CREO O RECREO ÚLTIMAS INTERVENCIÓNS

Este ano continuamos dándolle pulo, a este espazo social que é o patio, realizando microintervencións que cambien e potencien a actividade física, a interacción social e a convivencia positiva. Entre as actividades que se foron realizando ata agora destacamos as seguintes.

Torneos no recreo: de tenis de mesa e fútbol. Resaltando que este ano un grupo de chicas valientes formaron un equipo de fútbol e aí están dándoo todo nos torneos do recreo. 

Asemade colocouse unha fonte e unha barandilla que crean un espazo novo no patio.

Como en anos anteriores o torneo de mesa ten moita aceptación e os finalistas foron premiados cun adestramento no clube de tenis de mesa Vincios, que teñen equipo en Super División, a competición máis importante a nivel nacional deste deporte.

Powered by Drupal - Design by artinet