SAÍDA DINAMIZADORA DOS ALUMNOS DE 1º ESO A PONTEVEDRA

Con motivo do XVI Salón do Libro en Pontevedra os alumnos de 1ºESO do IES Val Miñor visitaron a cidade o venres 27 de marzo, nunha actividade organizada polo Equipo de Dinamización Lingüística “O Brión”.

Primeiro coñeceron aqueles lugares relacionados coa vida e a obra dun dos maiores artistas da cultura galega: Castelao. Tamén souberon algo máis sobre a historia de Pontevedra a través da pegada que quedou en vivendas, cruceiros, prazas, fontes e rúas.

XABIER QUEIPO VISITA O IES VAL MIÑOR

O xoves 26 de marzo, os alumnos de 3º e 4º da ESO, tiveron a oportunidade de coñecer e escoitar ao escritor galego Xabier Queipo. Aproveitando unha das súas estancias en Galicia (o autor reside e traballa en Bruxelas dende 1989) Xabier achegouse ao noso centro para falarnos da súa tarefa como escritor.

Programa de Educación para Saúde- Obradoiro de Sexualidade para o alumnado de 4º da ESO.

O alumnado de 4º da ESO desenvolverá un programa de Educación para a Saúde (módulo de Sexualidade). O mércores día 11 de marzo realizarase esta actividade. Os relatores desta actividade serán voluntarios da Cruz Vermella Xuventude de Vigo.

27 de Marzo: Visita do alumnado de 1º da ESO ao Salón do Libro e percorrido cultural pola cidade de Pontevedra.

O venres día 27 de marzo o alumnado de 1º da ESO visitará o Salón do Libro en Pontevedra. Farán o roteiro Castelao polas rúas da cidade visitando tamén o Museo Provincial. No salón do libro tamén asistirán a obra de teatro titulada "Pan, Pan".

Entroido no IES

Chegou o Entroido e con el as aulas e corredores do Instituto enchéronse de caras, máscaras e personaxes que non adoitan frecuentar estes lugares. A comunidade educativa en xeral perdeu a cabeza, como por outra banda é típico de estas datas, e tanto profesores como alumnos fixeron de todo para mostrar a sua ledicia.

OBRADOIROS DE EDUCACIÓN AFECTIVO- SEXUAL PARA OS ALUMNOS/AS DE 2º E 3º DA ESO

Os alumnos e alumnas de 2º e 3º da ESO  realizan un programa de Educación Afectivo-Sexual impartido pola asociación Xaira e en colaboración co CIM de Nigrán. Os contidos concretos que se traballan son: a sexualidade, o concepto de amor, o bo trato no marco de relación entre eles e elas; a prevención de Grooming.

TENIS DE MESA NO IES VAL MIÑOR

O pasado luns 9 de febreiro, a Agrupación deportiva Vincios, de tenis de mesa, achegouse ao centro, a promocionar este deporte. Contamos coa presenza de Enrique, Samuel e Kazeem, adestradores e xogadores desta agrupación, grazas aos que puidemos presenciar un nivel de excelencia motriz, froito que seguramente de moitas horas de adestramento, e poñernos a proba fronte a un robot lanzabolas. O palmarés deportivo de calquera dos tres, é moi importante.

Powered by Drupal - Design by artinet