CALENDARIO ESCOLAR: LEMBRAMOS QUE O XOVES 31 É O DÍA DO ENSINO E O LUNS 4 DE NOVEMBRO É DÍA NON LECTIVO

Lembramos que o xoves 31 de outubro día do ensino, 1 de novembro festivo, e o 4 de novembro día non lectivo, non haberá clase. Achegamos a continuación un enlace ao calendario escolar, coas datas tamén das avaliacións.

O outro día non lectivo aprobado polo consello escolar e concedido pola consellería é o 20/03/2020

CALENDARIO 2019-20

MAGOSTO E XOGOS POPULARES

                                                                  

"ECO-OBRADOIRO" DO ALUMNADO DE 1º DE ESO COS USUARIOS DO CENTRO DE EDUCACIÓN ESPECIAL "Juan María".

Os alumnos e alumnas de 1º de ESO realizaron esta mañá un "Eco-obradoiro" de reciclaxe de tapóns de plástico cos usuarios do centro de Educación Especial "Juan María". Queremos darlle as grazas a súa monitora Rosa e os verdadeiros protagonistas da actividade: Pascual, Pepe, David, Lorenzo, Antonio,Samuel ...

PROGRAMA TEI: OS ALUMNOS E ALUMNAS DE 1º DE ESO COÑECEN AOS SEUS TITORES E TITORAS.

Durante esta semana de outubro os alumnos e alumnas de 1º de ESO están coñecendo aos seus "padriños e madriñas".

DÍA MUNDIAL DA RCP: Reanimación cardiopulmonar

O mércores 16 de Outubro foi o Día mundial da RCP (Reanimación cardiopulmonar) e tivemos a sorte de contar con persoal médico do Hospital Álvaro Cunqueiro, que fixo talleres para o alumnado de 3º da ESO e para a comunidade escolar (Persoal do centro e familias) que se achegaron durante esta mañá para aprender esta manobra tan importante que salva vidas. Agradecer expressamente a Laura, David e Marta a súa adicación ao noso centro durante esta mañá de aprendizaxes tan relevantes.

ESCALADA NO GALIÑEIRO

O tempo permitiunos por fin facer esta actividade que supón un gran reto físico para o alumnado, que se ve recompensado coa sensación de superación cando chegan ao cumio. Coma en anos anteriores Montañeiros Celtas colaboran co centro na organización polo que agradecemos o seu esforzo . Non viamos o mar pero tiñamos unha espectacular vista dun mar de nubes no Val. Pagou a pena unha vez máis ter esta experiencia. CLICA PARA VER AS IMAXES

SURF EN PATOS

Coma en anos anteriores realizouse a actividade de surf en colaboración con Prado Surf e coa axuda na financiación, da ANPA do centro, para o alumnado socio. O día non pintaba ben, era un día gris, pero a nota de cor  púxoa a rapazada do IES Val Miñor que foi valente e demostrou que se chove que chova. As ondas eran importantes e a auga estaba boa. Unha experiencia máis de actividade física para que o alumnado busque opcións de ocio activo, e se enganche a un estilo de vida saudable. CLICA PARA VER MÁIS IMAXES

Powered by Drupal - Design by artinet