Información Ofertas e Bolsa de Emprego
Xestión de ofertas de emprego
Dende o departamento de orientación xestionanse as ofertas de emprego que chegan ao centro. Os ex-alumnos/as do CIFP Universidade Laboral poden voluntariamente darse de alta na aplicación de Bolsa de emprego, subir o seu C.V. e solicitar algunha das ofertas publicadas polas empresas.
As empresas tamén poden darse de alta na Bolsa de emprego do centro, publicar as súas ofertas de emprego e contactar directamente coas persoas candidatas.
Para darse de alta na aplicación de Bolsa de emprego sigue os pasos que se indican a continuación, dependendo de se eres un/ha ex-alumno/a ou empresa:
Alta como alumno/a titulado/a que busca emprego:
- Realiza o rexistro na ligazón dispoñible na páxina web do ocentro “Bolsa de emprego”.
- Selecciona o formulario de “Acceso Candidatos/as” da aplicación.
- Cumprimenta os teus datos no formulario para rexistrarte.
- Ao premer en “Enviar” recibirás un correo electrónico ao enderezo indicado no formulario. No correo terás acceso a unha ligazón que deberás premer obrigatoriamente para activar a túa conta.
- Unha vez activada a túa conta poderás acceder á Bolsa de emprego premendo na ligazón “Acceso Candidatos/as” co teu correo electrónico e contrasinal. Unha vez dentro da aplicación deberás subir o teu CV e poderás buscar e solicitar ofertas de emprego publicadas polas empresas.
Alta como empresa que quere publicar ofertas de emprego:
- Realiza o rexistro na ligazón dispoñible na páxina web do ocentro “Bolsa de emprego”.
- Selecciona o formulario de “Acceso empresas” da aplicación.
- Cumprimenta os datos da túa empresa no formulario para rexistrala.
- Ao premer en “Enviar” recibiredes un correo electrónico ao enderezo indicado no formulario para confirmar a súa conta. Unha vez completado o proceso de rexistro debedes enviar un email a bolsaemprego@ulaboral.eu para que dende o centro se active a vosa empresa na aplicación.
- Unha vez activada a conta da túa empresa poderedes acceder á Bolsa de emprego premendo na ligazón “Acceso empresas”. Unha vez dentro da aplicación teredes a opción de publicar ofertas de traballo, buscar candidatos/as e contactar directamente con eles/as.
Para calquera dúbida podedes enviar unha mensaxe a través do formulario da aplicación, contactar a través do email (bolsaemprego@ulaboral.eu) ou chamar ao centro e preguntar pola Departamento de Orientación.
Boa sorte!