Xa quedaron atrás as XIX XORNADAS DE ORIENTACIÓN AO EMPREGO. Este ano tivemos tres días e moitas persoas invitadas!!!
UN BREVE RESUMO DO ACONTECIDO…
Empezamos o luns 29 de xaneiro con Álvaro Gómez nunha conferencia sobre protección de datos de carácter persoal. O alumnado de Asesoría de Imaxe Persoal, que colaborou na organización do evento, estivo preparando os últimos detalles, e algúns alumnos de informática, que tamén axudaron, preguntándose como se meteron en semellante berenxenal!
O martes 30 de xaneiro tras a inauguración por parte da Vicedirectora do IES de Teis Ana Rúa, comezaba o primeiro día grande das xornadas cunha mesa de Mulleres que nos representan: Elvira Landín, Loida Zamuz e Yolanda García contáronnos como foi a súa vida laboral, os seus proxectos, atrancos por ser mulleres nun mundo conservador que durante décadas reforzou os roles de xénero. A mañá continuou con Abel Barredo falando da Lei de autónomos, e despois do descanso tiveron lugar os obradoiros sobre entrevistas de traballo, redes sociais e estilismo en TV a cargo de Emilia Alonso, Alberte Cea e Amaya Fernández.
Pola tarde os representantes de colexios e asociación profesionais de informática, estética e perruquería responderon a cuestións sobre os recursos que ofrecen. A continuación Ana Cidre falóunos sobre diversidade e inclusión na tecnoloxía, un mundo cheo de homes e poucas mulleres ó que queremos darlle unha volta. Despois do descanso chegaron os obradoiros nos que participaron respresentantes da empresa Ingeniería Insitu, Avelino Pérez con xestión de perruquerías, Carmen de LiliumNature achegóunos ó mundo da cosmética natural, e a nosa compañeira Encarna Villanueva axudando ao alumnado de FP Básica a decidir o seu futuro.
O mércores 31 de xaneiro comezamos con Adolfo Román de Altia, Ángel González falando sobre franquicias e Fernando de Revertia explícandonos como darlle unha segunda vida a todos os aparellos e que o seu destino non sexa o contenedor do lixo.
A segunda parte da mañá chegou cargadiña de ideas para emprender: Pontevan, unha marabillosa food truck que resultou dun proxecto colaborativo de catro centros de Pontevedra e na que o alumnado do Carlos Oroza elabora viandas de pracer; Impact Hub ensinándonos como atopar ideas que aporten valor social; A Molinera con proxectos innovadores e creativos; e por último con Iván conseguimos saber por fin que un Fablab é un taller de fabricación dixital para uso persoal.
Para o alumnado da tarde máis actividades e obradoiros: Cristian e Susana de Cogami quedarán para sempre no noso corazón, son un exemplo de superación persoal que lembraremos sempre, sobre todo o alumnado de FP Básica que saiu abraiado do salón de actos; Laura, Nair, Rosa, Juan Carlos e Gilberto son antigos alumnos/as do IES de TEIS que trasladaron una pequena parte da súa empresa ós stands que lles montamos para responder moitas cuestión que lles plantexamos; José Luis de Markea falóunos de habilidades sociais para que os/as clientes de imaxe persoal se sintan a gusto con nós; Laura, Estefanía e Sofía de Nyxstyle explicáronnos como organizan unha voda; e por último Saúl Molinero pechou as xornadas falando de traballo remoto.
DESEXÁMOS QUE VÓS GUSTARAN. MOITAS GRAZAS a todos e todas, alumnado e profesorado de Formación Profesional, pola vosa asistencia e participación activa, en especial ó alumnado de Asesoría de Imaxe Persoal e Corporativa, ó alumnado de Informática que axudou tanto nas tarefas de azafatos como nas emisións en streaming con Cristina Castiñeira, alumnado do Ciclo de Estética e Beleza que participaron na montaxe dos stands con Arantxa Martínez, alumnado e profesorado do IES Audiovisual de Vigo, alumnado e profesorado do CIFP Carlos Oroza de Pontevedra, a Andrea Muñoz, José Carlos Martínez, Margarita González, Dolores Lois, Isabel Torres e Demetrio Monteagudo. Moitas gracias ás empresas e entidades que colaboraron desinteresadamente nestas xornadas.
GRAZAS DE PARTE DE TODO O EQUIPO DE ORIENTACIÓN E EMPREGO, organizador das xornadas.
Esta páxina usa Lightbox2 por Lokesh Dhakar dispoñible en http://lokeshdhakar.com/projects/lightbox2/ baixo The MIT License