Xornada de presentación da Escola de nais e pais

O pasado Xoves 13 de abril tivo lugar a xornada de presentación da escola de nais e país do IES de Teis. O noso centro foi un dos dous únicos Institutos de Vigo seleccionados para desenvolver esta iniciativa impulsada pola Universidade de Vigo. Está dirixido a pais e nais con fillas ou fillos matriculadas na ESO.

A presentación xerou moito interese na comunidade educativa e xa nesta primeira xornada introdutoria cubriuse case a metade do aforo dispoñible.

As xornadas desenvolveranse os xoves en horario de 19:15 cunha duración aproximada de hora e media nos meses de abril, maio e xuño. Tendo previsto a finalización o día 15 de xuño se prexuízo da súa continuidade o vindeiro curso durante os meses de setembro e outubro.

Esta primeira xornada serviu para coñecer de primeira man cales eran as cuestión que máis inquedanzas xeraban nos país e nais alí presentes, temas como o adecuado uso dos teléfonos móbiles, a comunicación cos fillos e fillas adolescentes, ou a organización nos estudos foron algúns dos mencionados.

As xornadas serán impartidas por Katia Rolan Licenciada en psicoloxía e doutora en Xestión e Resolución de Conflitos. Menores, Familia e Xustiza Terapéutica pola Universidade de Vigo. O obxectivo desta escola é identificar os temas de interese das familias, analizándoo e traballándoo nestas xornadas semanais para propoñer alternativas que permitan mellorar aquelas situacións que se consideren máis problemáticas e establecendo pequenos retos que permitan implantar na casa as solucións propostas.

A primeira xornada terá lugar o vindeiro xoves as 19:15 no IES de Teis. Aqueles nais e pais interesados en formar parte deste proxecto poden inscribirse por orde de chegada ata esgotar as prazas dispoñibles no teléfono 886120464.