Skip to main content

Actividades do Departamento de Bioloxía e Xeoloxía no Club de Ciencias

<br />
    Actividades bioloxía no club de ciencia

O Departamento de Bioloxía e Xeoloxía, colabora co Departamento de Tecnoloxía, na realización do Club de Ciencias.

Dende o Departamento de Bioloxía, este curso ofertoúselle ó alumnado de 3º ESO a posibilidade de participar, no club de ciencias. A sesión do club de ciencias realizábase no laboratorio de Bioloxía e Xeoloxía, os luns de 16:00 a 17:30.

As prácticas seleccionadas estaban relacionadas cos contidos curriculares de 3º ESO que permiten os participantes aplicar os coñecementos acadados na aula e ampliar o tipo de prácticas que xa realizaron no club de ciencias que tiveron fai dous anos cando estaban en 1º ESO, completando así a súa formación científica.

As prácticas que realizamos co alumnado foron:

    • Normas de seguridade e funcionamento do laboratorio. Xogo no que aplicar estas normas.
    • Identificación de material de laboratorio. Observación do material de laboratorio de Bioloxía e Xeoloxía e do de Física e Química. Xogo no que puñamos nome os debuxos de distintos instrumentos de laboratorio e engadimos debuxos de material que non ven contemplado no guión de traballo.
    • Ovo osmótico. Práctica útil para ver que a cáscara do ovo é carbonato cálcico que en vinagre desaparece soltando burbullas que son de CO2 (relacionamos este feito coa propiedade de efervescencia de minerais e rochas carbonatadas). Unha vez eliminada a cáscara podemos explicar co experimento que é a osmose, que é o medio hipotónico e hipertónico, como afectan estes medios neste caso o ovo sen cáscara (poderías ser unha cenoira ou pataca) en canto a perda ou ganancia de masa. Para iso usamos balanza e facemos os cálculos pertinentes. Ademais puidemos explicar que es la plasmólisis e turxencia en preparación dun tecido a partir dun caravel vermello.
    • Estudo de distintas moléculas orgánicas: análises de la presencia de amidón en los alimentos (fraudes alimentarios), elaboración de xabón a partir de aceite (reacción de saponificación de lípidos), extracción de ADN.
    • Observación de preparación de tecidos animais e vexetais de colección, o microscopio. Así mesmo elaboramos preparacións propias a partir de mucosa bucal e cebola.
    • Elaboración dunha dieta e análise do etiquetado dos alimentos
    • Traballamos os distintos órganos dos sentidos (gusto, olfacto, vista) en distintas prácticas.
    • Creación dun modelo pulmonar, a partir de una botella de plástico , palliñas e globos, enchendo e baleirando os pulmóns en función do descenso ou ascenso do diafragma, ventilación mecánica. Levase o modelo a aula para que o visionado do mesmo por parte do resto do alumnado.
    • Disección dun corazón de porco para los ventrículos, aurículas, venas y arterias. Elaboración dun vídeo para a proxección nas distintas aulas de 3º ESO.
    • Análise de etiquetas de medicamentos.

Introducimos algunhas prácticas físico-químicas:

  • Calcular a densidade de minerais. Traballamos as magnitudes de masa, volume para calcular densidades. Para iso usamos os instrumentos de laboratorio como son báscula, probetas. E as fórmulas matemáticas necesarias.
  • Densidade da auga fría e quente e da auga destilada e salgada. Comprobar que ocorre nestes casos e relacionalo con fenómenos que ocorren na natureza como son os afloramentos e a cinta transportadora mariña.
  • Observar a tensión superficial da auga que permite que sobre ela floten alfinetes, clips e na natureza se despracen os zapateiros.
  • Capilaridade da auga, que permite o movemento ascendente de auga a través doutros corpos.
  • Medir o pH de distintas substancias (auga, xabón, lixivia, limón, vinagre). Realizamos un experimento para ver como a choiva ácida afecta a edificios e a vexetación.
  • Cromatografía como método de separación de moléculas disoltas, neste caso para separar pigmentos fotosintéticos (clorofilas a, clorofila b, ᵦ-Carotenos, Xantofilas).
  • Cristalización de substancias disoltas e análise dos cristais para determinar en que sistema cristalino cristalizaron.
 

Galería de imaxes do evento

Club de ciencias Bioloxía e XeoloxíaClub de ciencias Bioloxía e XeoloxíaClub de ciencias Bioloxía e XeoloxíaClub de ciencias Bioloxía e XeoloxíaClub de ciencias Bioloxía e Xeoloxía

Esta páxina usa Lightbox2 por Lokesh Dhakar dispoñible en https://lokeshdhakar.com/projects/lightbox2/ baixo The MIT License