Club de manga de febreiro: Blue Period

No mes de febreiro, o libro elixido foi Blue period.

A súa autora, Tsubasa Yamagushi conta a historia dun estudante de Bacharelato, Yatora Yaguchi que descobre a súa paixón polo debuxo. O seu obxectivo é entrar nunha universidade de arte e loita custe o que custe para poder superar o exame de acceso.

Nós, no club, nos puxemos mans á obra e reproducimos algúns debuxos seguindo as instrucións da profesora. Pasamos un bo momento debuxando e xogando e, o máis importante, que todas e todos aprendemos moito da nosa personaxe: a tenacidade é esencial para conseguir os nosos obxectivos.