Skip to Content

Proxectos

Primeiras lecturas compartidas nos Clubs de Banda Deseñada

O pasado 13 de novembro botaron a andar os Clubs de Lectura de BD de 1º ESO e 2º ESO con María e mais eu, cómic de María e Miguel Gallardo que se achega á vida dunha nena con autismo, e Engurras, un clásico da novela gráfica de temática social no que Paco Roca nos adentrA no mundo do alzhéimer e a demencia senil.

nomades

Hoxe foi a quenda dos maiores do club "Marcando a diferenza", que partillaron as súas impresións sobre Nómades, de Xosé Tomás, un excelente cómic para abordar temáticas sociais como a emigración, a situación dos migrantes no país de acollida, os conflitos bélicos... E que é o que dixeron os mozos e mozas do Club sobre esta lectura? Mellor que pasedes vós a comprobalo nesta entrada do blogue da Biblioteca, que recomendamos seguir.

O IES de Soutomaior participará no Plan Proxecta durante o curso 2018/2019

O IES de Soutomaior vén de ser seleccionado para participar no Plan Proxecta, programa educativo da Consellería de Educación, Universidade e Formación Profesional que, en colaboración con diferentes organismos, está orientado a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais, nos cales se inclúe a educación en valores.

En concreto, o alumnado da materia "Obradoiro de Habilidades Comunicativas, impartida en 1º de Bacharelato, concorrerá, xunto co profesrado dos Departamentos de Lingua Galega, Lingua Castelá e Filosofía, no Parlamento Xove. Este proxecto ten como obxectivo fomentar entre a mocidade galega o diálogo como ferramenta para argumentar razoadamente as ideas propias e, tamén, potenciar habilidades individuais e en grupo como a capacidade para seleccionar información, a expresión oral e escrita, a orixinalidade, o traballo en equipo e a convivencia.

O alumnado xa comezou a súa preparación nas clases e participou no Obradoiro de Debate que tivo lugar o pasado 31 de outubro no Instituto. As fases de formación, clasificación e final terán lugar  durante o 2º trimestre.

Distribuir contido


by Dr. Radut