Skip to Content

Calendario de presentacións do alumnado e reunións informativas para as familias de 1º ESO

Debido ao protocolo de adaptación ao contexto da COVID-19, a Consellería de Educación e Ordenación Universitaria fixou unha incorporación gradual do alumnado para o presente curso.  O calendario de presentacións do alumnado é o seguinte:

  •  O acceso ao recinto farase pola entrada principal. O alumnado só poderá entrar ao recinto 15 minutos antes da hora asignada para a presentación do seu curso.
  • O alumnado confirmará o seu grupo nas listaxes que atopará na zona do aparcadoiro e seguirá as indicación do profesorado para dirixirse cara á aula correspondente.
  • A presentación durará entre 1h e 1h30 e, da man do/a titor/a, o alumnado coñecerá as normas principais do protocolo relacionado coa adaptación do ensino á Covid-19 e as instalacións do centro. A continuación, o alumnado abandonará o centro.
  • As clases con todos os grupos comezarán a partir do luns 28 de setembro seguindo as pautas explicadas na presentación e conforme ao horario habitual (mañás, de 09:10 a 14:35; e tarde do martes de 16:30 a 18:10).

  • As familias coñecerán o grupo ao que está asignado o seu fillo ou filla a través de AbalarMóbil ou chamando ao número 886 15 98 01 en horario de mañá (Lei Orgánica de Protección de Datos 3/2018).
  • A reunión terá lugar no ximnasio do IES, ao que se accederá pola porta exterior que se atopa nas escaleiras do acceso principal.
  • Para evitar aglomeracións e en cumprimento das indicacións sanitarias:
    • Só pode asistir un membro da familia por cada alumno/a.
    • Prégase acceder de maneira gradual nos momentos previos ás horas marcadas.
  • Temas a tratar:
    • Acollida.
    • Inicio de curso.
    • Medidas recollidas no Plan de Adaptación ao Protocolo Covid-19.

Información sobre o inicio do curso 2020-2021

O IES de Soutomaior sumouse no día de onte aos IES Illa San Simón, Chapela, IES Mendiño e Mos (ler comunicado conxunto), así como a outros moitos centros educativos galegos, para solicitar o adiamento do comezo do curso, previsto para os días 16, 17 e 18 de setembro, debido á improvisación, á falta de docentes, recursos e espazos e de instrucións claras en tempo e forma por parte da Consellería de Educación.

Este mediodía a Consellería vén de comunicar que se apraza o inicio para os días 23, 24 e 25 co obxectivo de poder afrontar a planificación do curso segundo as novas medidas anunciadas estes días. Calendario:

  • 23 de setembro: 1º e 2º ESO e 1º de Bacharelato.
  • 24 de setembro: 3º ESO e 2º Bacharelato.
  • 25 de setembro: 4º ESO.

O IES de Soutomaior seguirá informando ao alumnado e ás familias das novidades que se vaian dando e lamentamos os inconvenientes derivados desta situación.

Datas, horarios e indicacións de acceso aos exames extraordinarios de setembro

As probas extraordinarias de setembro de ESO e Bacharelato, desenvolveránse os días 1 e 2 de setembro co horario que figura nos PDF anexos. As probas serán presenciais.

Para o acceso seguro ás aulas do exame debe seguirse o seguinte protocolo:

Alumnado de Bacharelato do IES de Soutomaior recoñecido entre os mellores expedientes de Galicia

Alexandre Cabodevila, Rime el Bahi, Xiana Herrero e Paula Ramallo participarán no Acto de recoñecemento ao mellor alumnado de Centros de Ensino Medio de Galicia que organiza a Universidade de Santiago de Compostela dentro do programa "A Ponte entre o Ensino Medio e a USC" para distinguir os estudantes que superan a nota media de 9 entre o Bacharelato e as probas de acceso á Universidade (ABAU).

O acto terá lugar este xovesa 23 de xullo ás 17:00 horas no Salón Nobre de Fonseca da USC. Debido ás circunstancias actuais, non se poderá celebrar un acto multitudinario presencial, mais si que se poderá seguir o acto en vivo a través das seguintes canles de Youtube da USC a partir da 16:30h.: https://www.youtube.com/user/UniversidadeUSC e https://www.youtube.com/user/UniversidadeUSC/live.

Moitos parabéns, Alexandre, Rime, Xiana e Paula por este recoñecemento tan merecido!

Comunicado do Claustro do IES de Soutomaior

No día de hoxe, 30 de xuño de 2020, o Claustro do IES de Soutomaior aprobou por unanimidade este escrito dirixido ás autoridades educativas, ao conxunto da comunidade educativa, aos medios de comunicación e aos sindicatos.

Nel queremos deixar constancia da problemática vivida no noso centro e no sistema educativo galego dende a suspensión das clases no mes de marzo, unha problemática derivada da ausencia de directrices e protocolos claros por parte da administración educativa, que non respondeu con garantías ás necesidades formativas, de infraestruturas dixitais e de acompañamento e liderado que precisabamos nunha crise desta envergadura.

Esta situación de abandono e orfandade foi suplida grazas ao inxente traballo e ao compromiso do profesorado, o alumnado e as familias, coa colaboración dos servizos municipais. Por iso, a dous meses do comezo do Curso 2020-2021, precisamos coñecer como se van desenvolver as medidas recollidas no acordo entre as CC.AA. e o Ministerio de Educación e sinalamos as que, na nosa opinión, deben ser as medidas imprescindibles e necesarias para afrontar este reto educativo, social e de seguridade sanitaria.

Ciclos FP: aberto o proceso de admisión

Importante: le este DOCUMENTO RESUMO para saber como tes que facer a solicitude.

Calendario de admisión: Podedes descargalo premendo aquí  ou acceder a toda a información na páxina oficial: http://www.edu.xunta.gal/fp/node/15703   

Prazo: o prazo comeza o 25 de xuño. Teredes aberta a aplicación online ata o 8 de xullo ás 13:00: https://www.edu.xunta.es/ciclosadmision

Actualización do 24/06/20: publicada a oferta actualizada de ciclos para o vindeiro curso e as Instrucións de admisión.

Mira a oferta dos Ciclos organizada por localidades.

Podes consultar as Instrucións Xerais do Proceso de Admisión e ver o video explicativo para entender como facer a solicitude:

Alumnado: datas e instrucións para a entrega dos boletíns, devolución de libros e outros trámites

A comunicación das cualificacións realizarase a través de Abalar o xoves 24 de xuño ás 10:00h. Para coñecer as datas e horas de entrega dos boletíns en papel e outros trámites, consulta este documento.

É moi importante o cumprimento das datas e horarios establecidos para cada curso e grupo. O alumnado seguirá en todo momento as medidas sanitarias necesarias (uso de márcara, gardar distancia de seguridade...). Entrarase ao centro só en caso de ser necesario facer algunha xestión.

Matrícula 2020-2021: calendario e documentación

Calendario de matrícula

CURSO DATA HORARIO
1º ESO 1 de xullo 08:30 a 14:30
2º ESO 2 de xullo 08:30 a 14:30
3º ESO 3 de xullo 08:30 a 14:30
4º ESO 6 de xullo 08:30 a 14:30
1º BAC 7 de xullo 08:30 a 14:30
2º BAC 7 de xullo 08:30 a 14:30

Instrucións para formalizar a matrícula (prema no curso correspondente)

1º ESO 3º ESO 1º BAC
2º ESO 4º ESO 2º BAC

Impresos da matrícula (prema no curso correspondente)

1º ESO 3º ESO 1º BAC
2º ESO 4º ESO 2º BAC

Impresos comúns

O que Adriana Eugenio viu dende a súa xanela

adriana
 
Adriana Eugenio, alumna de 1º ESO B, vén de ser premiada no Concurso O que ves desde a túa xanela (categoría 12-14 anos) que convocou a Deputación co obxectivo de "descubrir a paisaxe que vemos desde a nosa xanela: as rúas, as árbores, o mar e o campo", mais tamén para "abrir unha xanela aos lugares aos que nos gustaría regresar e que partillamos coa familia e as amizades".
 
En palabras do xurado, o traballo de Adriana destaca "pola súa calidade artística amosando destreza na técnica da acuarela, a beleza dos trazos e o seu realismo".
 
Moitos parabéns, Adriana! Estendemos a nosa felicitación ás familias e ao profesorado de Plástica por animar e acompañar estes traballos de expresión artística dos rapaces e as rapazas durante o confinamento.
Distribuir contido


by Dr. Radut