Taboleiro do alumnado

    Xa está dispoñible para a súa descarga dende Google Play a aplicación Coñecer Ferrol - Roteiros, creada por Jose Antonio Pareja Sequeiro, alumno de 1º de bacharelato do centro, en clase de TIC. A aplicación é a porta que da acceso ó traballo desenvolvido por profesorado e alumnado do centro no marco do Seminario TIC do Programa de Formación en Centros, no que se crearon diferentes roteiros na aplicación Google MyMaps para coñecer Ferrol a través de contidos relacionados con diferentes materias.

    O resultado final, polo tanto, é a culminación dun proxecto de traballo interdisciplinar e colaborativo. Esperamos que sexa do voso agrado. Noraboa a todos os que participaron nel, e esperamos que no futuro se poidan seguir desenvolvendo e mellorando actividades nesta liña dende o centro.

    O venres 15 de maio, os alumnos de 4º de ESO, acompañados pola súa profesora María Lanza, realizaron unha visita as Meninas de Canido cun plano de Google Maps para localizar os lugares onde se atopan as pinturas co fin de elaborar unha ruta artística polo barrio.

    Recolleron documentación fotográfica e datos acerca dos autores das obras e os estilos artísticos que atoparon.

Fotos do grupo

    O martes día 26 de maio no IES Sofía Casanova recibimos ás Fiandeiras da Asociación de mulleres de Cabanas Rural. A actividade estivo organizada polo departamento de Ciencias Sociais: Xeografía e Historia co obxectivo de que o alumnado de 1º da ESO valorasen o traballo realizado durante centos de xeracións na maioría das familias.

    As nenas e nenos puideron observar e practicar os labores de escarpizar, cardar, fiar, calcetar, ganchillar e bordar con lá de ovella. Foi unha actividade educativa e divertida.

                    Ler máis        Vídeo da actividade