Concursos

Parabéns!!!!

Publícanse as bases do primeiro Concurso de Mangas do noso Centro. Podedes consultalas premendo na foto ou AQUÍ

Aproveitamos o último día de clase do trimestre e do ano para facer entrega dos premios @s gañador@s do concurso de contadas de medo. A nosa compañeira escritora Iria Misa fixo entrega de libros da súa autoría (Xa non estou aquí, Segredos no Solpor e Mamá, quero ser Ziggy Stardust) con dedicatorias personalizadas a cada premiad@; axendas, marcapáxinas  e diplomas completaron o recoñecemento a:

Alba Estévez e Marcos Cruces (1º premio)

Heimi Olalla, Lucía Pérez e Samuel Vaz (2º premio)

Elena Carrera, Carla Moledo e Mirem Moledo (3º premio)

Rebeca Pereira, Marta Quinteiro e Marta Rodríguez (accésit)

Parabéns a tod@s @s participantes e, dun xeito especial, @s galardonad@s!

PREME NA IMAXE PARA COÑECER AS CARACTERÍSTICAS DO CONCURSO:

Aquí temos as fotos de todas as parellas e equipos que participaron no Concurso de Relatos de Samaín da biblio: 23 contos e a biblio chea de xente durante os primeiros recreos... e así levamos xa máis dunha semana

(Non esquezades premer nos números para ver aos nosxs participantes)

para ver as bases abre o seguinte adxunto:

A arte no Amor

• É o amor unha arte?
• Que artes potencian o amor?
• Que foi primeiro: as artes ou o amor?

Escribe un texto que dea resposta a algunha destas preguntas aténdote as seguintes bases:

1. PARTICIPANTES: O concurso está aberto a todos os alumnos e alumnas do centro, de forma individual.

2. Os/As participantes deberán presentar os seus traballos (narracións, poemas, teatro, cartas...) escritos a ordenador ou con letra lexible, en calquera das linguas estudadas no centro.

3. Modelo e tamaño de letra: Arial ou similar, 12. Espazamento: 1,5

4. Os traballos presentaranse baixo pseudónimo. Nun sobre adxunto pechado, co propio pseudónimo no exterior, incluiranse os datos do participante: apelidos, nome, curso e grupo.

5. A súa extensión non poderá exceder cinco DIN A4 (folios) polas dúas caras.

6. PRAZO E LUGAR DE PRESENTACIÓN: do martes, 14 de febreiro ao martes 2 de maio de 2017, ámbolos dous inclusive. Os traballos presentaranse na Biblioteca do IES durante os recreos dentro do prazo citado e serán recollidos polo profesorado de garda na Biblioteca.

7. XURADO: O xurado cualificador estará integrado por membros representantes do equipo directivo, dos Departamentos de Linguas e do equipo de Biblioteca.

8. PREMIOS: haberá suculentos premios para os mellores traballos.

9. Os traballos premiados quedarán depositados no Instituto e publicaranse en formato impreso e dixital.

10. A participación no Concurso supón a aceptación das presentes bases.

Anímate e participa!

Amor e Guerra

Coñeces algunha historia de amor en tempos de guerra?
e algunha guerra causada por historias de amor?
Como inflúen as guerras no amor e no desamor?

 

Escribe un texto que de resposta a algunha destas preguntas aténdote as seguintes bases:

1. PARTICIPANTES: O concurso está aberto a todos os alumnos e alumnas do centro, de forma individual.

2. Os/As participantes deberán presentar os seus traballos (narracións, poemas, teatro, cartas...) escritos a ordenador ou con letra lexible, en calquera das linguas estudadas no centro.

3. Os traballos presentaranse baixo pseudónimo. Nun sobre adxunto pechado, co propio pseudónimo no exterior,  incluiranse os datos do participante: apelidos, nome, curso e grupo.

4. A  súa extensión  non poderá exceder cinco DIN A4 (folios) polas dúas caras.

5. PRAZO E LUGAR DE PRESENTACIÓN: do luns, 15 de febreiro  ao luns 2  de maio de 2016, ámbolos dous inclusive. Os traballos presentaranse na Biblioteca do IES durante os recreos dentro do prazo citado e serán recollidos polo profesorado de garda na Biblioteca.

6. XURADO:  O xurado cualificador estará integrado por membros representantes do equipo directivo, dos Departamentos de Linguas  e do equipo de Biblioteca.

7. PREMIOS: haberá suculentos premios para os mellores traballos.

8.Os traballos premiados quedarán depositados no Instituto e publicaranse en formato impreso e dixital.

9. A participación no Concurso supón a aceptación das presentes bases.

Anímate e participa!