Lexislación Bolsas e axudas Calendario escolar Impresos profesorado

Impresos alumnado

Teatro

Quen somos e que facemos?

O ENDL ten organizado un grupo de teatro escolar con alumnos e alumnas do proprio Centro. Son xa tres anos nos que un grupo de profesores e profesoras que agora forman parte do ENDL se reunen nas tardes dos mércores para explicar e practicar cos alunos e alunas técnicas de expresión corporal, dramaturxia e escenografia. Os responsábeis do grupo son Manuel Caldas, Xefe do Departamento de Historia e Alonso Vidal, profesor de Matemática e coordenador da ENDL. As aulas desenvólvense durante todo o curso escolar e finalizan coa representación dunha peza teatral para toda a comunidade escolar. O propio grupo de teatro é o encargado da realización de decorados, luces e escenografia. Xa foran representadas nos últimos anos as obras: "O achado do Castro", "Rio Bravo", (coa que fomos finalistas do certame de Teatro Aficionado do Baixo Miño), e este mesmo curso pasado "Médico á forza".

Procuramos os seguintes obxectivos: 1. Familiarizar o alumnado coa linguaxe teatral en galego. 2. Mellorar as actitudes de responsabilidade e traballo en equipo, así como a camaraderia entre compañeiros de distintos níveis do ensino. 3. Facilitar a expresión en público e afastar o medo escénico, fomentando a autoconfianza. 4. Dar conta da importáncia da lingua galega como ferramenta apropiada para a criación artística.Temos como destinatarios da proposta teatral todo o alumnado de todos os níveis, durante todo o ano. A representación teatral, na última semana do curso.

Se queres ver algunhas fotos podes premer aquí

 

Grupo de Teatro do Instituto depois dunha representación da obra "Río Bravo"

 

 

 


O noso Grupo de Teatro participa nunha rodaxe da TVG

 

Na tarde do último 19 de maio de 2009 alguns membros do grupo de Teatro do Instituto fomos requeridos para participar nunha rodaxe para o programa "Ben falado!" da TVG. A rodaxe das escenas tiveron lugar na ribeira de Caldelas e estaban baseadas no "Entremês famoso sobre a pesca no rio Minho", que enfrontaba a pescadores galegos e portugueses. Se queredes ver unhas fotos da nosa participación só tes que premer aquí.

Representación da obra "Médico á forza", de Moliére.

 

 

No curso pasado ensaiamos durante as aulas de teatro a obra Médico á forza, que quixemos representar diante do Teatro Principal de Tui como contributo do noso grupo á petición de que este edifício con forte carga patrimonial sexa restaurado.

Se queres saber máis do Teatro Principal de Tui podes visitar esta web que pide a sua restauración.

Se o que queres é ver unhas fotos da nosa representación, preme aquí.

Distribuir contido
 

Rúa Alcalde Casal Aboy nº 11

TUI 36700   Tlf: 886110762

iessanpaio@edu.xunta.es