O IES San Paio é un instituto público de educación secundaria situado en Tui. É herdeiro dun dos institutos máis antigos de Galicia, con orixe en 1845, se ben a súa existencia e localización na cidade foi descontinua ata o 2 de decembro de 1950, cando se crea un Instituto de Ensinanza Media e Profesional no edificio actualmente denominado Francisco Sánchez, que funcionará xa ininterrompidamente. En xaneiro do ano 1991 o instituto pasou a ocupar a súa actual localización, na rúa Casal Aboy 11. Aquí poderás coñecer mellor as nosas instalacións e algúns dos espazos máis significativos.