CONCEDIDO O PROXECTO E-DIXGAL PARA 1º ESO
A Consellería de Educación vén de confirmar a concesión ao IES San Paio do Proxecto Edixgal para o vindeiro curso 2019-2020, no nivel 1º ESO.
Mediante este proxecto profesorado e alumnado pasarán a desenvolver a súa actividade educativa diaria nun entorno virtual de aprendizaxe. Nesta modalidade impartiranse só as seguintes materias, que non terán polo tanto libro de texto:
| MATERIAS DENTRO DO PROXECTO EDIXGAL - 1º ESO |
| BIOLOXÍA E XEOLOXÍA |
| EDUCACIÓN FÍSICA |
| ESTRATEXIAS DE APRENDIZAXE E COMUNICACIÓN |
| LINGUA CASTELÁ E LITERATURA |
| LINGUA PORTUGUESA |
| MATEMÁTICAS |
| RELIXIÓN |
As materias restantes de 1º ESO (que non están dentro do proxecto E-Dixgal) seguirán empregando libros de texto. Podedes consultalos AQUÍ.
Como consecuencia desta nova, as solicitudes e concesións de Fondo Libros quedan anuladas para 1º ESO, que será o curso no que comezará a implementarse o Proxecto Edixgal:
"Segundo o artigo 1 da ORDE do 3 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2019/20, o alumnado matriculado nos centros e cursos incluídos no proxecto educación dixital (E-DIXGAL) no curso 2019/20 está excluído da participación no fondo solidario de libros de texto e das axudas para adquirir libros de texto. Non obstante, terá dereito á axuda para adquierir material escolar, así como ás establecidas nas disposicións adicionais primeira e segunda, se reúne os requisitos establecidos nesta orde." (toda a resolución, AQUÍ)
Ao inicio do curso, daremos a alumnado e familias toda a información.
