Un exitoso thriller que mestura a investigación dunha trama de crimes de carácter aparentemente sexual e que frisan a pederastia cun trasfondo lendario que semella procurar explicación para os feitos investigados nos basajauns, sorgiñas, lamias e belagiles,  personaxes míticos das terras navarras do Batzán.
    Novela narrada en terceira persoa, na que autora dosifica as puntuais incursións no pasado da inspectora da policía foral Amaia Salazar, en forma de breves flash-backs que nos debruzan no burato negro da violencia e a irracionalidade.
    O produtor Peter Nadermann (da saga Millennium) mercou os dereitos para adaptar ao cine esta primeira entrega da triloxía do Batzán.