try another color:
try another fontsize: 60% 70% 80% 90%

Ciencias Naturais

VIII OLIMPÍADA DE XEOLOXÍA

 

Este pasado mércores 15 de febreiro tivo lugar a fase galega da VIII Olimpíada de Xeoloxía na Escola de Enxeñaría de Minas e Enerxía no Campus Universitario de Vigo.

Foi unha xornada intensa na que, pola mañá, se realizou a parte práctica (en grupos de 4 ou 5 alumnos): por un lado cuestións relativas a un mapa topográfico e por outro a proba de visu consistente na identificación de exemplares de rochas, minerais, fósiles, formas de relevo,..... Durante a tarde tivo lugar o exame teórico: 40 preguntas test relacionadas con diversos aspectos da Xeoloxía.

O IES Ribeira do Louro presentouse por primeira vez cun grupo voluntario de alumnos/as (en total 13) de 4º ESO e 1º BAC, que realizaron a parte práctica divididos en tres grupos e a teórica individualmente.

E obtivemos o premio ao Mellor Grupo  formado por: Laura Soliño, Daniel Represas, Cristian Martínez e Sergio Lorenzo, alumnos de 1º de Bac.

Parabéns rapaces !!!!!!!!!!

 

 

CONGRESO INTERNACIONAL CLMNTK17 -- EDUCO2cean ERASMUS +

     

 

     O IES Ribeira do Louro rematou a súa participación no Congreso Internacional CLMNTK17 dentro do marco da alianza estratéxica EDUCO2cean - ERASMUS + do que é socio colaborador.

     Este campus xuvenil internacionalseminario docente de Investigación - Acción EduCO2cean-Erasmus + celebrouse, na súa fase de produción, na localidade lusa de Aveiro do 2 ao 6 de setembro e, na súa fase de difusión, do 6 ao 9 de setembro na localidade galega de Noia.

   Participaron alumnos/as e profesores/as de varias comunidades autónomas  (Galicia, Castela, Murcia, Andalucía, Canarias, Madrid, ....) e tamén de Portugal e México.

    Os alumnos participantes seleccionáronse a través dun  congreso virtual. Estes alumnos gañadores tamén conseguiron unha praza para os seus docentes orientadores do proxecto no seminario de investigación - acción sobre o campus EduCO2cean - Erasmus+. 

      As nosas alumnas seleccionadas para este campus foron: Andrea Calvo, Alba Carrera e Alba Castro de 4º ESO cos seus traballos: "A nosa estrela, a nosa enerxía" e "Humanos vs Océanos".

 

MEMBROS DO DEPARTAMENTO

 MARTA FREIJEDO PÉREZ      Xefa departamento 

 MACU LÓPEZ PRADA 

 ANXO FERNÁNDEZ ARROYO 

 LAURA ARRANZ

 LORENA ESCUDEIRO

 

Distribuir contido