Skip to Content

Blog da biblioteca

NOVIDADES- Lecturas xuvenís en galego

 

A editorial Xerais obsequiounos cun lote de títulos que corresponden ás lecturas escollidas para este curso polo Departamento de Lingua e Literatura Galega. Están á vosa disposición na biblioteca.

 

FORMACIÓN DE NOVO USUARIADO

 

Entre o 16 de outubro e o 17 de novembro de 2023 tiveron lugar as Xornadas de Formación de Novo Usuariado da Biblioteca. O obxectivo desta actividade é familiarizar ao alumnado de 1º de ESO coa organización e funcionamento da biblioteca e permitirlle desenvolverse nela con facilidade á hora de buscar información ou xestionar o préstamo dun libro. As xornadas desenvolvéronse en 4 sesións en cada grupo, tres na aula na hora de titoría dirixidos polas titoras e unha sesión na biblioteca dirixida pola coordinadora onde puxeron en práctica os coñecementos adquiridos. Agradecemos, coma sempre,  a colaboración e boa disposicion das titoras para levar a cabo o proxecto.

 

 

 

 

OS BOLECHAS e o noso rural

Co fin de fomentar a recuperación do orgullo e autoestima do noso rural e concienciar á sociedade da importancia do mundo labrego, a Área Rural da Vicepresidencia da Deputación de Lugo obsequiou á biblioteca con dous exemplares do libro Da escola á granxa, de Pepe Carreiro, protagonizado por Os Bolechas. Tamén podedes disfrutar del en formato de audiolibro premendo no seguinte enlace:

https://cultura.deputacionlugo.gal/es/node/78222

 

 

1ª XUNTANZA CLUB LECTURA RibaLEO

O luns 6 de novembro tivo lugar a primeira xuntanza deste curso  do clube de lectura RibaLEO.  Tomando como base dous puntos de partida, que son a perspectiva de xénero e o uso da lingua galega, a novela escollida foi A trenza, da novelista francesa. Laetitia Colombani. A narración das vidas paralelas de tres mulleres de orixes e condicións diversas deu pé para tratar e debater as múltiples problemáticas da condición feminina. As vidas aparentemente inconexas destas mulleres están unidas por un fío invisible, que se desvela ao final da historia como unha fermosa metáfora da sororidade. 

No grupo ten cabida calquera persoa que forme parte da comunidade educativa do centro. Agardámosvos!  

 

 

 

 

 

 

NOVIDADES- Literatura xuvenil en galego

 

Dez novos títulos de literatura xuvenil en galego pasan a formar parte da nosa biblioteca.

 

CONCURSO DE LECTURA

 A biblioteca convoca un concurso de lectura coas seguintes bases:

1. O concurso está destinado ao alumnado de 1º de ESO.

2. O libro de lectura proposto é Usha, de María Reimóndez. [A través do préstamo interbibliotecario a biblioteca dispón de 21 exemplares. Tamén se pode acceder a el en formato dixital nas plataformas Galicia Le e Elbe 2]

3. O alumnado que lea o libro debe resolver o día do concurso un cuestionario ao que accederá dende dende o seu ordenador de Edixgal.

4. Resultará gañadora a persoa que conteste acertadamente o máximo número de preguntas no mínimo tempo posible. En caso de empate, procederase por sorteo.

5. Ademais da persoa gañadora, que recibirá un premio, cada participante levará un agasallo.

6. Día e hora de celebración: por determinar.

7. Lugar: biblioteca

 

 

DOAZÓNS

 

Con motivo do Día das Bibliotecas, celebrado o 24 de outubro, o concello de Ribadeo agasallounos cun lote de libros de variada autoría e xénero.

  

 

 

O Consello da Cultura Galega cedeu á bibloteca os libros Xogando co infinito, de Rozsa Péter e Análise, datos e recomendacións para o recoñecemento da diversidade en Galicia.

 

NOVIDADES- Libros Psicoloxía

 

Con motivo da recente incorporación da asignatura de Psicoloxía ao plan de estudos do bacharelato, o departamento de Filosofía adquiriu seis suxerentes títulos desta materia. Están á vosa disposición na biblioteca.

 

LIBROS ADICADOS

 

O curso 23-24 foi inaugurado cunha conferencia do historiador ribadense Lorenzo Fernández Prieto, que asinou amablemente exemplares de dous dos seus libros para a biblioteca.

 

 

PRESENTACIÓN LIBRO ROSA PAZ

 

O martes 27 de xuño de 2023 tivo lugar no salón de actos do instituto a presentación de Las tres hermanas, a primeira novela da nosa compañeira e profesora de Lingua e Literatura Castelá Rosa Paz. O acto foi conducido pola profesora Pilar Otero Cabarcos, exconcelleira de Cultura no concello de Ribadeo e contou coa intervención musical de Miryam González, profesora de música e Modesto Refojo Alvariño, tamén profesor de Música e director do centro.

 

 

 

 

 

 

 

 

 

Distribuir contido


by Dr. Radut