Skip to Content

Varios

CERTAME BIBLIOTECA VIEJO PANCHO XUÑO 2019

No Certame de narración e debuxo infantil "Letras Galegas 2019" (fase local), da Biblioteca Pública Municipal "El viejo Pancho", resultaron premiadas tres alumnas do noso centro. A entrega de premios tivo lugar o venres, 7 de xuño, ás 18:00 h na Biblioteca. Parabéns para Marta, María e Violeta!

NARRACIÓN (Categoría C, 12 a 16 anos):

"Fóra de tempo". Marta Ortiz González (3ºESO C)

DEBUXO (Categoría C, 12 a 16 anos):

María Castro Pardo (4ºESO A)

 Violeta Carrero Isla (4ºESO A)

 

 

 

VISITA Á BIBLIOTECA DO ALUMNADO DOS CENTROS ADSCRITOS

 O xoves 6 de xuño de 2019 visitaron o instituto os futuros alumnos dos centros adscritos. Acompañados por alumnado de ESO, percorreron as distintas dependencias do centro. Entre elas, a biblioteca, onde os recibiu e lles entregou uns agasallos de benvida Suso Fenández Acevedo, membro do Equipo da Biblioteca e coordinador do EDL.

 

Antón Fraguas. Unha epopea vital.

Ademais doutras iniciativas, traballamos sobre a figura de Antón Fraguas utilizando o caderno Antón Fraguas. Unha epopea vital e a correspondente unidade didáctica, dos que a Excma. Deputación de Lugo enviou un exemplar para cada alumno/a.

Nas imaxes, alumnado de 2º de ESO utilizando estes recursos.

 

Marcador de lectura Antón Fraguas

 

 
 
Marco Tripiana, alumno de 2º de ESO, deseñou un marcador de lectura alusivo á figura de Antón Fraguas, a quen se lle dedica este ano o Día das Letras Galegas.
 
 
Promoveu a iniciativa o Equipo de dinamización lingüística.
 
 
 
 
 
 
 
 
 
 
 
 
 
 .

Viaxe a Santiago: Museo do Pobo Galego e Cidade da Cultura

Co gallo do Día das Letras Galegas, o departamento de Lingua galega e literatura, en colaboración co EDL e o equipo da biblioteca, organizou unha viaxe a Santiago para visitar o Museo do Pobo Galego, do cal Antón Fraguas foi Director, e a Cidade da Cultura. Asistiu o alumnado de 2º de ESO.

      

 

 

 

 

 

 

.

Literatura galega e audiovisual

O alumnado de Literatura galega e sociedade, materia de libre configuración de centro, de 2º de BAC, elaborou booktrailers ou videopoemas. Colaborou o Equipo de dinamización lingüística e o Equipo da biblioteca. Velaquí os seus traballos:

 

BOOKTRAILERS:

 Agustín Fernández Paz: O único que queda é o amor.

 

 Xosé Neira Vilas: Memorias dun neno labrego.

 

María Solar: Os nenos da varíola.

 

Carlos G. Reigosa: Pepa, a loba.

 

VIDEOPOEMA:

García Lorca: “Chove en Santiago”.

 

 

 

 

 

 

 

 

Ovos literarios

Con motivo do día do libro, celebrouse no instituto a 4ª exposición de " Ovos literarios" na que participou, de maneira voluntaria, alumnado de todos os cursos.

Pódese ver o vídeo desta actividade nesta Ligazón

A actividade foi organizada pola profesora de Lingua Castelá, Rosa María Paz.   

LUIS CERNUDA EN CASTROPOL

Por iniciativa de Rosa Paz, membro do Departamento de Lingua Castelá e do equipo da Biblioteca, o alumnado de 4º de ESO viaxou o 10 de maio a Castropol para realizar a ruta literaria Luis Cernuda en Santiniebla. A visita guiada correu a cargo de Manuela Busto, da Biblioteca Pública Municipal Menéndez Pelayo. Acompañaron ao alumnado as profesoras Rosa Paz, Marta Muíña e Susana Díaz.

 

 

 

 

 

25 Feira da Ciencia no IES de Ribadeo, a ilusión de aprender!!!

Ver a galería de fotografías

O pasado 10,11 e 12 de abril do 2019 tivo lugar unha celebración especial no IES: a  25 Feira da Ciencia. Con Antonio Gregorio xubilado, colaboramos para sacar adiante todo o traballo uns cantos compañeir@s: María del Monte Álvarez, profesora de Tecnoloxía, Mario Martinez, profesor de Física e Beatriz González Fernández, Maxi Piñeiro Vidal e Susi Besteiro do Dpto de Bioloxía. Tamén tivemos a gran sorte de que Chus Colmenero, profesora de Educación Plástica fixo un cartel  moi fermoso que non deixou indiferente a ninguén e Alfonso Piñeiro, o director, que sempre está aí para todos, aproveitou o deseño para encargar unhas chapas de recordo para toda a comunidade educativa. Mil gracias a todos eles!

Na Feira expuxéronse moitos traballos e moi variados:

- Na área de Tecnoloxía, María del Monte e os seus alumn@s de 3º ESO presentaron proxectos  moi variados como aspiradora e lavadora caseiras, pontes levadizas hidráulicas e eléctricas, estruturas con canutillos de papel, unha palomitera, unha mininoria, un elevador, un teleférico, un dispensador  e unha simulación da respiración pulmonar entre outros.

- Na área de Física, Mario e o alumnado de CAAP elaboraron un traballo sobre conductividade eléctrica, unha pila e unha electrodeposición.

- Na área de Bioloxía, os alumn@s de agrupamento específico de 3º ESO, fixeron con Beatriz  unha roda dos alimentos para axudarnos a tomar conciencia da importancia de ter unha alimentación variada e equilibrada.

- Os alumnos de 1º ESO xunto coas profesoras Beatriz e Susi, sacaron adiante un bó número de proxectos: tinguiron flores, explicaron a metamorfose dos vermes da seda, investigaron sobre a ostra rizada e a avispilla do castiñeiro que son dúas  novas especies invasoras que hai en Ribadeo,  explicaron a importancia da vexiga natatoria, das escamas e dos otolitos dos peixes óseos así como dos dentículos dérmicos dos tiburóns e ademais  analizaron egagrópilas de curuxa chegando non só a descubrir que comeran ratos, topillos e musarañas senón que ademais e para sorpresa de moita xente, montaron os esqueletos das presas citadas.

- Por último, os alumn@s de 4º ESO traballaron con Maxi Piñeiro e Susi Besteiro. Na área de bioloxía fixeron a extracción do ADN de fresa, prepararon uns cariotipos moi orixinais analizando as alteracións máis comúns e realizaron un estudo sobre as bebidas azucradas e os efectos nocivos tratando de mentalizarnos da importancia de hidratarnos con auga.  Na área de Xeoloxía, presentaron un corte xeolóxico da Ría de Ribadeo coas principais rochas que atopamos no entorno,  analizaron o método sísmico e a súa importancia para chegar ó modelo estrutural da Terra, amosáronnos cos imáns intelixentes e cun imán nun tubo de cobre a importancia do magnetismo terrestre e  fixeron un estudio sobre a chuvia ácida e o mal da pedra.

En definitiva, moitos traballos e ben presentados. Noraboa a tódolos alumnos participantes!

Tal vez a Feira deba evolucionar, creo que debería pasar a ser Feira da Ciencia e da Cultura porque non cabe dúbida de que todo o alumnado e profesorado fai ó longo de cada curso moitos traballos que merece a pena divulgar entre a comunidade docente. E non son días perdidos, son días de clase distintos... É certo que non se dá materia e que hai barullo polos corredores pero penso que tódolos alumnos e alumnas que participan aprenden unha boa lección para a vida: a importancia da actitude, de poñerlle ganas ó traballo, o orgullo do traballo ben feito, a importancia de saber transmitir os coñecementos e en definitiva, a ilusión  por aprender. Ilusión que, tras participar en 25 Feiras, aínda conservo e comparto cos compañeir@s e alumn@s.

Fdo: Susi Besteiro Cabanas

LITERATURA EN CARNE VIVA

Con esta actividade quixemos conmemorar a celebración, o 23 de abril, do Día do Libro.

Participou o alumnado de 2º de ESO, e o xogo consistiu en reunir tres partes dispersas de información sobre literatura galega (Autor + título dunha obra dividido en dúas partes. Exemplo: Castelao / Os dous / de sempre).

Nas horas previas  ó recreo escribíuselle  na man a cada persoa, con rotulador, 1/3 da información. Durante o recreo tiveron que atopar os compañeiros ou compañeiras que tiñan as partes que lles faltaban. Houbo premio para os tres primeiros equipos que completaron o puzzle.

O obxectivo do xogo é familiarizar ao alumnado de xeito lúdico cos titulos e autores máis significativos da literatura galega.

 

     

 

 

 

Distribuir contido


by Dr. Radut