Blogs, Exposicións, cursos e avisos, Info Point

O vindeiro martes 15 de marzo, ás 18:00 horas, a Fundación san Patricio presenta unha charla sobre A educación dos nosos xoves cara un mundo máis sostible.

A esta xornada on line pode acceder todo o profesorado e alumnado que estea interesado, a través do seguinte enlace:

https://docs.google.com/forms/d/e/1FAIpQLSdMdfkKSRst8GC8RiysWeiVz-qkW61T...

O xoves 10 de febreiro, no salón de actos do centro, fixemos unha presentación do alumnado junior do Parlamento Europeo. Este curso somos un total de 25 alumnos e alumnas e 6 profesores e profesoras que dinamizamos os contidos e valores da cidadanía europea a través dos distintos departamentos dos que formamos parte: Filosofía, Educación Física, Francés, Relixión, Bioloxía e Tecnoloxía.

Nesta ocasión puntual o coordinador repasou con parte do alumnado os obxectivos que persegue o programa, as actividades levadas a cabo desde o principio de curso e as actividades futuras, e os medios sociais nos que estamos presentes e que deberán ser actualizados polo alumnado. Fixemos a foto de grupo (non completa) e pechamos o acto cun kahoot sobre a Unión Europea.

Podedes seguirmos en TWITER

Un curso máis rematamos xaneiro cunha reflexión en torno á PAZ. Un concepto conflictivo de por sí, e que xeralmente definimos polo seu contrario. Solo precisamos mirar o temario de Historia para comprender esa relación utópica entre concepto e a realidade. Pero esta conmemoración non só a facemos desde unha perspectiva histórica, senón tamén desde unha perspectiva social e política. A influencia de determinados cambios políticos (criticados desde outros ámbitos) consigue despexar Europa e mantela nun status de convivencia pacífica nunca conseguido.... e todo isto a pesares de que a nova situación mundial está esnaquizando as sociedades do noso redor, e recrudencendo o clima social ata límites insospeitados. Agora escoitamos de novo gritos de pureza e de tribu, e pretendemos abranguer marxes de realidade que se escapan do establecido.

Faise necesaria así unha profunda reflexión a través da Filosofía e da Historia, para volver recuperar un punto de vista pacífico sobre o futuro da Humanidade. Esta situación entre pobos e culturas repercute tamén no ambiente social e crueliza o comportamento da cidadanía... É fácil decatarse a través das actitudes intolerantes de moitos dos nosos veciños e veciñas, non só de nacións cercanas, senón a veciñanza de porta con porta. Intolerancia, exclusivismo de clase, mecanismos de defensa que se usan como armas contra os que non creen o mesmo, non pensan o mesmo, ou simplemente discrepan...

Esta introdución da pe a revisións dos símblos da PAZ, das figuras que representan na nosa historia a loita pola PAZ, e a unha visión histórica chea de conflitos que a xuventude non está disposta a repetir. Este é o noso punto de partida e o noso traballo para conmemorar o asasinato dun individuo, un político, un dirixente, alleo a nós, dun mundo lexano e diferente, e co que, sen embargo, temos tantas similitudes como se fora da mesma aldea que un mesmo. Revisemos pois estes principios. 

500 Anos de guerras no mundo

Lord of War (títulos de crédito)

Símbolos da Paz (material de UNICEF para todos os niveis)

Mahatma Gandhi, el fundador de la no violencia (artigo de La Vanguardia)

Vida e morte de Gandhi (3´)

Documental sobre Gandhi (35´)

No curso 2009-2010 fixemos unha tarxeta de Nadal sobre a que agora actualizamos os bos desexos.... Que o pasedes ben nestas entrañables festas, e que o 2002 entre moi saudable e positivo para todos....

O día 3 de decembro é o DÍA INTERNACIONAL DAS PERSOAS CON DISCAPACIDADE. En torno a esta data traballaremos con diferentes recursos que ampliarán o noso coñecemento sobre as persoas do noso redor.

Con EUROPE DIRECT LUGO, comezaremos o xoves 2 de decembro ás 14:00 horas, nun programa no que estará o director de cine Roberto Pérez Toledo e Marta Fuentes, Directora de proxectos de Ayudame 3D, poderedes seguilo en directo neste enlace de youtube. 

Nas materias de Filosofía traballamos tamén no 38 Concurso Educativo da ONCE, porque debemos traballar unidos pola inclusión e converter ao alumnado en axentes de cambio, animándoo a actuar, dentro e fóra das aulas, para facer máis inclusiva a contorna. Porque todos podemos sumar pasos no camiño da igualdade. Este ano, baixo o lema "O CAMIÑO QUE NOS TORNA IGUAIS", propóñennos pasar da sensibilización á acción, a través dunha proposta pedagoxicamente actual e atractiva,....

Tamén poderemos achegarmos á realidade do mundo da discapacidade a través da páxina da ONU onde atoparemos información sobre o empoderamento das persoas con discapacidade para un desenvolvemento inclusivo, equitativo e sostible, como se pedía na Axenda 2030 para el Desenvolvemento Sostible, que se compromete a "non deixar a ninguén atrás" e considera a discapacidade como unha cuestión transversal na implementación dos seus 17 Obxectivos de Desenvolvemento Sostible.

E se aínda queremos ampliar información sobre este tema podedes entrar na información que a representación en España da Comisión europea pon á nosa disposición no seguinte enlace..

«A medida que o mundo se recupera da pandemia, debemos asegurarnos de que as aspiracións e os dereitos das persoas con discapacidade se inclúan e se teñan en conta nun mundo pos-COVID-19 que sexa inclusivo, accesible e sostible. Esta visión só se logrará se se consulta activamente ás persoas con discapacidade e ás organizacións que as representan.»

António Guterres, Secretario Xeral das Nacións Unidas