Skip to Content

23 de abril, día do libro.

Coma cada 23 de abril, hoxe celébrase o DÍA DO LIBRO. Con perdón de Shakespeare e de Cervantes, desta vez nós queremos conmemoralo cunha curiosidade bibliográfica:

Cal é o libro máis antigo que temos no instituto?

Polo de pronto, o máis antigo que atopamos é un exemplar de 1930: unha 1ª edición do Tratado elemental de agricultura de Daniel Nagore Nagore

Tratado elemental de agricultura

 

 

Visita ó punto limpo

O xoves, 26 de marzo, un grupo de alumnos de 1º de ESO realizou unha visita ó Punto Limpo de Ribadeo, situado no Valín (Ove).

O grupo, voluntario, partiu ás catro da tarde do aparcadoiro municipal, uns a pé e outros en bicicleta. Ó chegar, o encargado amosoulles o vertedoiro de inertes (actualmente sen movemento) e as diferentes seccións de recollida do punto limpo, dende as zonas  máis usuais, como a de recollida de elementos férricicos ou de madeira, a outras máis chamativas, como as diferentes tipos de aparellos electrónicos ou as sensibles quimicamente, como as de pintura.

Á volta, o grupo visitou o muíño da engracia e recolleu diversos invertebrados para seren analizados na clase de Ciencias da Natureza.



Medindo a Terra

O xoves, 20 de marzo, aproveitamos o equinocio de primavera para facer medicións. Tres grupos de alumnos voluntarios empregaron os seus respectivos gnomom para obter o tamaño da sombra mínima dun vástago vertical a mediodía. A inclinación con que se o sol no momento de mínima sombra o día de igual duración da parte nocturna e diúrna corresponde á nosa latitude.

A medida dos tres grupos de alumnos de 1º de bacharelato apuntou 43,28º, unha posición que na realidade está lixeiramente ó sur de Ribadeo. Na medición, tamén se comprobou o desfase entre a hora legal e a hora solar, correspondendo as 12 hora solar coa unha e media algo pasada en hora legal, o que levou a lembrar o desfase horario de Galicia co actual horario legal a nivel do Estado.

O anterior non deixaría de ser máis ca unha curiosidade para mellorar os coñecementos do alumnado, se as medicións non fosen confrontadas coas doutros catro centros: o case veciño IES Galileo Galilei de Navia (Asturias), o de Manilva (Málaga), o de Villaviciosa (Córdoba) e Oliva de la Frontera (Badaxoz). A confrontación dos datos permite comprobar o radio da Terra ou a súa circunferencia, algo que se está facendo, obtendo cos datos xa tratados unha pequena desviación en relación coa medida aceptada.

O método seguido, usado por primeira vez por Eratóstenes, estúdase na teoría de ciencias, pero raramente se comproba. 

Marzo en lila

O alumnado de Educación Plástica e Visual de 1º de ESO colaborou no proxecto Marzo en lila, do concello de Ribadeo. Coordinaron a actividade as profesoras Paula Alvite e Chus Colmenero.

O seu traballo, que forma parte do Proxecto Terra do departamento de debuxo, expúxose no auditorio municipal Hernán Naval o domingo, 17 de maio, coincidindo coa representación teatral "As do peixe".

"Empregando a xeometría, o alumnado crea un xeito de arquitectura móbil co superpposición ou aliñación do hexaedro, consolidado o sólido platónico que representa a terra coa súa inevitable vinvulación co feminino, seis caras cadradas con seis cores cada unha: as tres primarias e tres secundarias, cores ás que nos vinulamos emocionalmente. Mulleres galegas, loitadoras e libres transitan cada cara do hexaedro, cada cadrado que simboliza o humano e, polo tanto, os límites do mesmo. Dualidade coa que non nos queda outra que convivir, pero tamén superar.

O observador pode manipular a obra de xeito que modifique a súa forma, estrutura, máis ou menos estable, que predominen unhas cores sobre outras facéndose máis ausente ou presente, dalgún xeito, esa muller que avanza inevitablemente..."

MÁIS IMAXES

Visita ó Museo de Lugo (14-3-14)

O alumnado de 1º de ESO participou nunha actividade proposta polo Museo Provincial de Lugo que tivo dúas fases: a primeira tivo lugar previamente e consistiu na lectura dos catro relatos de "Contos de medo no museo"; a segunda tivo lugar hoxe no propio museo e consistiu na resposta dun cuestionario sobre os relatos. Para iso, organizáronse catro equipos que tiveron que desprazarse polas distintas salas do edificio, seguindo pistas, para dar coas respostas. O equipo gañador recibiu un bolígrafo do museo como agasallo.

Como eramos un grupo numeroso, organizamos dúas quendas. Mentres uns estaban no museo, os outros demos un paseo pola muralla.

Despois desprazámonos ata As Termas, onde houbo tempo libre para xantar e ir de tendas. Foi, en resume, unha xornada na que aprendemos e desfrutamos. 

A actividade organizárona o departamento de galego e o Equipo de dinamización lingüísticaMª José, Teresa, Maricarmen, Manoli e Suso, que foron os acompañantes, quedaron moi contentos co bo comportamento do alumnado.    MÁIS FOTOS


Probas de acceso a ciclos (grao medio e superior) 2015

                               

Acaba de facerse pública a convocatoria das probas de acceso a ciclos formativos de grao medio e superior. Podes acceder á información premendo neste enlace.

Unha historia rosaliana

Febreiro, 14

O 24 de febreiro cumpríronse 177 anos do nacemento de Rosalía de Castro, motivo polo cal se realizaron diversos actos tanto en Galicia coma no estranxeiro. Nós tampouco quixemos quedar alleos á celebración: na biblioteca tivo lugar unha exposición dos libros que temos relacionados con Rosalía e, co alumnado de agrupamento específico de 2º de ESO, elaboramos este vídeo.


 

Entroido 2014

Chegou o entroido e non pasou desapercibido. Nos corredores e nas aulas vimos disfraces moi variados, que demostran unha vez máis a creatividade da comunidade escolar.

Pero o departamento de debuxo quixo levar tamén a celebración fóra do centro e implicou o alumnado da ESO para facer unha intervención no parque, colocando máscaras no palco a música, que non pasan desapercibidas para os transeúntes. Noraboa ás profesoras Paula Alvite e Chus Colmenero e ó seu alumnado por esta iniciativa.

Podedes ver moitas máis fotos premendo AQUÍ.

INTERVENCIÓN NO PALCO DA MÚSICA

Presentación de "As pegadas da prehistoria en Ribadeo"

O venres, día 21 de febreiro, tivo lugar no salón de actos a presentación de As pegadas da prehistoria en Ribadeo, un caderno-guía sobre este tema elaborado por Emilio Piñeiroa, exprofesor deste instituto recentemente xubilado. Asistiu o alumnado de 2º de ESO, a quen lles impartía clase aínda o curso pasado. O traballo editouse grazas á colaboración do Excmo. Concello de Ribadeo. MÁIS FOTOS

Emilio Piñeiroa

Distribuir contido