Skip to Content
Correo electrónico: ies.ribadeo@edu.xunta.es | Teléfono: 982870666

Patio vivo

Tiñamos o patio cuberto algo aburrido e un grupo de alumnas, coordenadas polas profesoras Paula Alvite e Chus Colmenero, do departamento de Debuxo, decidiron darlle un pouco de vida, de xeito que vaia sendo, paseniñamente, un patio máis agradable para todos.

Graciñas polo labor!

MÁIS IMAXES

 

 

"Cando o plano se torna volume"

O alumnado de Debuxo técnico de 1º de bacharelato realizaron unha serie de maquetas empregando o técnica dos planos seriados (repetición de formas planas), representando detalles de dous edificios emblemáticos da vila: a torre dos Moreno e a praza de abastos. Ambos os dous son símbolos que enmarcan lugares de encontro e de relación entre as persoas. Ademais, amosan gran beleza plástica e contribúen á forxa da identidade do lugar.

Un mesmo edificio revela diferentes aspectos de si mesmo cando se ve desde distintos ángulos e distancias, e o alumnado tivo a oportunidade de camiñar ó seu carón centrándose só no seu volume, nos ocos, etc. A continuación, escolleron elementos arquitectónicos, cimplificándoos e transformándoos en novas estruturas rítmicas visualmente que manteñen a "verdade" da arquitectura (un edificio é honesto na súa expresión de funcións e materiais) e a súa "narrativa" (un edificio é o vehículo para contar historias, o escenario do teatro da vila.

Os elementos xeométricos trazados que conforman esa estrutura enfatizan a percepción da forma: desde a estatizidade do cadrado á direccionalidade do rectángulo; da seriación que suxire solidez ó oco que marca o tránsito.

En definitiva, con estas pequenas obras quérese manifestar a inspiración constante que emana dunha arquitectura, espectadora pero tamén condicionante do ir e vir das nosas almas.

Promoveu e coordinou a actividade a profesora Paula Alvite.

Camiñata fin de curso

O pasado día 20 de xuño, co gallo do remate do curso, un grupo de alumnado e profesorado do centro realizou unha camiñata pola costa.

Pola mañá, o bus levounos ata Rinlo, onde aproveitaron para visitar boa parte do rueiro rinlego. Despois, aproveitando os tramos recén construídos da nova rota costeira, pasaron por sitios como o castro do Foxo e o das Grovas, observaron formacións xeolóxicas de diversos tipos... e cansaron e divertíronse. O tramo final foi o paseo marítimo da ría, dende o cruce do faro ata a vila.

Unha boa camiñata en amizade para dar remate ó curso.

 

Visita ó río Pequeno (2014)

O día 3 de xuño, o alumnado de 4º de ESO, acompañado polas profesoras Beatriz González e Mª Jesús Besteiro, participantes no "Proxecto ríos", fixeron unha saída ó río Pequeno para facer a inspección de primavera.

Máis información

MÁIS FOTOS DA ACTIVIDADE

 

 

O barroco en Vilanova de Lourenzá

O venres, día 13, o alumnado de 2º de ESO visitou distintos lugares de Vilanova de Lourenzá para ver as pegadas do barroco no concello.

A actividade organizouna a profesora Carmela Besteiro, do departamento de Xeografía e historia.

MÁIS FOTOS

Premio Bibliotecas Municipais

Pablo Vivero, alumno de 1º de ESO-C, que obtivera o premio na fase local do certame "Letras galegas" na modalidade de debuxo, foi galardonado tamén na fase provincial.

Noraboa!

Concurso "San Martiño de Mondoñedo"

Giselle Pérez , Patricia Gil e Cristina Vizoso, de 3º de ESO A, foron as gañadoras do concurso sobre San Martiño de Mondoñedo (Foz), que organizamos co gallo da visita a esta basílica o día do Correlingua.

Como premio, recibiron un diploma e unha consumición na nosa cafetería.

Noraboa!


Visita do alumnado dos centros adscritos, 2014

O luns, día 9 de xuño, visitounos o alumnado de 6º dos centros adscritos, que previsiblemente se incorporará ó noso centro o próximo curso.

Recibíronos no salón de actos o Director, Alfonso Piñeiro; a Orientadora, Raquel Vijande; e un grupo de alumnos e alumnas de 1º e 2º de ESO do noso centro. Despois dunhas palabras do Director e da Orientadora, a alumna Aicha Rajouani dirixiuse a eles para darlles a benvida en nome de toda a comunidade escolar.

A continuación, organizados en pequenos grupos, visitaron as instalacións do instituto guiados polo noso alumnado.

Agradecemos a colaboración de Tania Carballo, Vanesa García, Samuel Alonso, Eros Iglesias, Aicha Rajouani, José Luís Villar, Carmen Fernández, María Doural, Eva Iglesias, Ismael Martínez, Román López, Rubén Fernández, Carla Díaz, Inés Canto e Zaira Teixeira, que desempeñaron perfectamente o seu papel de anfitrións.

Festival 4º ESO

O día 23 de maio tivo lugar no salón de acto un festival organizado polo alumnado de 4º de ESO para recadar fondos para a súa viaxe de fin de curso.

Houbo actuacións de guitarra, vento-metal, danza, rap, vento-madeira, piano, clarinetes, etc.

O día 6 de xuño repetiuse o festival no cine-teatro de Ribadeo para o público en xeral.

Premios "Prensa-escola" de La Voz de Galicia

A alumna Carolina Yáñez Santana, de 2º de ESO, obtivo o 2º premio na modalidade de entrevista (alumnado da ESO) da categoría Mellor xornalista xuvenil deste certame. Coordinou a actividade o profesor Manel Yáñez.

Noraboa!!!

Aquí podes ver todos os traballos premiados.

Máis información


Foto: La Voz de Galicia

 

Distribuir contido