Skip to Content
Correo electrónico: ies.ribadeo@edu.xunta.es | Teléfono: 982870666

DÍA DA ARTE GALEGA NA ESCOLA

Xuño de 2013: Coincidindo coa data de nacemento de Luís Seoane, os centros de ensino da Mariña decidiron celebrar o Día da Arte Galega na Escola. No noso instituto, o alumnado de 3º de ESO elaborou un mural, baixo a coordinación do departamento de debuxo, formado por Jose Díaz e Chus Colmenero. Podedes ver fotos aquí.



Viaxe a Lugo

O día 27 de maio, o alumnado de Relixión realizou unha viaxe a Lugo para visitar a catedral -con paseo polos tellados incluído-, o "Lugo romano" e o Museo Provincial. 

A actividade organizouna o departamento de Relixión e, como acompañantes, foron Sofia Acevedo, profesora de Relixión, e Manel Yáñez, do departamento de Filosofía.  FOTOS

Cándido Pazó.

Luns, 27 de maio: dentro das actividades relacionadas co Día das Letras Galegas, hoxe asistimos a unha actuación de Cándido Pazó, que deleitou coas súas historias o alumnado de 1º de BAC e 4º da ESO.

O acto organizouse en colaboración co CIFP Porta da Auga e co Concello de Ribadeo. Foi unha mañá MÁXICA, como se pode comprobar facilmente vendo as fotos do evento.

CÁNDIDO PAZÓ


PREMIOS!!!

CERTAME DE REDACCIÓN "LETRAS GALEGAS"

Sara Canto González (3º ESO), Eva López Suárez (3º ESO) e Miguel Casariego Cao (1º ESO) do noso instituto, obtiveron respectivamente o 1º, 2º e 3º premio da modalidade C (12 a 16 anos) do certame de redacción "Letras Galegas, 2013" convocado pola biblioteca municipal El Viejo Pacho, de Ribadeo.

PREMIO!!!

MELLOR XORNALISTA XUVENIL. MODALIDADE ENTREVISTA 

María Redondo Peña, alumna de 2 de ESO do noso instituto acadou o 1º premio na modalidade de "Entrevista" do certame Mellor xornalista xuvenil, convocado por La Voz de Galicia.

A alumna entrevistou a Carlos Peña Garay, investigador do Instituto de Física Corpuscular do CSIC e da Universidade de Valencia.

A actividade coordinouna o profesor Manel Yáñez Dablanca.

Aquí podedes ver o traballo vencedor.

E aquí o resto dos traballos presentados polo noso alumnado:

David Méndez, de 2º de ESO, entrevista a Alfonso Fuente Parga.

MAIO

Roberto Vidal BolañoLETRAS GALEGAS 2013: ROBERTO VIDAL BOLAÑO

Para celebrar o Día das Letras Galegas, á parte do traballo dentro da aula, levamos a cabo diversas iniciativas:

  • Investigación do alumnado sobre aspectos básicos da vida e obra de Vidal Bolaño, a partir das láminas enviadas pola SXPL.
  • Participación no Correlingua (Mondoñedo, día 16).
  • Asistencia a unha actuación de Cándido Pazó no Cine Teatro (día 27).
  • Reparto de marcadores de lectura relacionados co autor homenaxeado.
  • O Comité de alumnos tamén organizou de seu un acto, do que podedes ver fotos no álbum correspondente a esta festividade.
  • Promoción das obras de RVB coas que contamos na nosa biblioteca.

Podedes ver algunhas fotos neste álbum.

Encontro con Xabier R. Baixeras

O luns, día 29 de abril, a partir das 12:20 h., visitou o instituto o poeta Xabier Rodríguez Baixeras para pronunciar unha charla e participar nun recital poético, xunto con alumnado do centro. Á actividade asistiu o alumnado de 4º de ESO e o de 1º de bacharelato. Organizou: Departamento de Lingua e Literatura Galega e Equipo de Dinamización Lingüística.

MÁIS FOTOS

Baixeras

23 de abril, DÍA DO LIBRO

Conmemoramos o día do libro agasallando o noso alumnado cun libro de balde. Para iso puxemos nas dúas entradas principais do instituto unha caixa de libros cun cartel animándoos a levar un exemplar e fomos repoñendo segundo ían faltando volumes. A iniciativa tivo éxito e non quedou absolutamente ningún dos libros.

día do libro foto23 abril dia do libro cartel

CONCURSO DE LECTURA

O día 19 de abril un grupo de alumnos e alumnas de 1º de ESO participaron nun concurso de lectura relacionado coa obra Fantasmas de luz, de Agustín Fernández Paz. Organizaron a actividade o departamento de Lingua e Literatura Galega e o Equipo de dinamización LingüísticaOs participantes recibiron un diploma e foron convidados a uns pinchos. MÁIS FOTOS

Fantasmas de luzConcurso de lectura 2013

 

 

 

 

 

 

 

 

 

 

 

 

 

 

MUSICAL


O día 19 de abril o alumnado de música de 2º e 3º de ESO e 1º de bacharelato asistiu un musical en Xixón. De paso visitaron o xardín botánico e coñeceron un pouco a cidade. Foron acompañados por Ángeles Ríos, profesora de Música, e por Sonia Bergantiños, Vicedirectora. 
Organiza o departamento de Música.   FOTOS

Distribuir contido


by Dr. Radut