Skip to Content
Correo electrónico: ies.ribadeo@edu.xunta.es | Teléfono: 982870666

(30/03/2020): AXUDAS A USUARIOS/AS GRATUÍTOS/AS E SEMI-GRATUÍTOS/AS DO COMEDOR ESCOLAR DEBIDO Á CRISE DO COVID-19

No DOG do luns 30 de marzo publícase a ORDE do 27 de marzo 2020 pola que se establecen as bases reguladoras das axudas de carácter directo ás familias do alumnado beneficiario de bolsas de comedor escolar nos centros públicos non universitarios xestionados pola Consellería de Educación, Universidade e Formación Profesional, durante a situación de suspensión do servizo de comedor como consecuencia do COVID-19.

  1. A que familias vai dirixido?

Ás familias do alumnado que durante o curso escolar teñen comedor gratuíto ou semi-gratuíto.

LER MÁIS...

ABALAR MÓBIL

As familias que non estean a empregar a aplicación da Xunta de Galicia, ABALAR MÓBILdeberán instalala para poder recibir as cualificacións da segunda avaliación.

PREME AQUÍ para acceder á guía AbalarMóbil para as familias.

(23/03/2020): MENSAXE Á COMUNIDADE EDUCATIVA

Desde o IES de Ribadeo Dionisio Gamallo queremos transmitir a toda a comunidade educativa unha mensaxe de ánimo, tranquilidade e comprensión. A situación de alarma prorrógase 15 días máis e estenderase, como mínimo, ata despois de Semana Santa.

Trátase dunha situación nova e, para moitas familias, complicada. Sendo conscientes disto, o noso deber é facilitar o traballo do alumnado, o contacto co profesorado e coas familias. Estamos poñendo todo o noso esforzo e empeño en que isto funcione e tire para adiante, polo que tamén vos pedimos, na medida do posible, colaboración, implicación e responsabilidade.

Sabemos que moitas familias non contan nas súas casas cos medios necesarios para seguir o curso. Asumimos que a nosa obriga é garantir que todo o alumnado do centro teña as mesmas opcións e oportunidades. Por isto, insistimos unha vez máis en que a atención a toda a comunidade educativa está asegurada a través do teléfono 982 870 666 e da conta de correo electrónico ies.ribadeo@edu.xunta.es. Ademais, contamos coa conta ies.ribadeo@gmail.com para dúbidas relacionadas coa Aula Virtual.

Pregámosvos que esteades pendentes da páxina web do centro para futuras comunicacións e que revisedes periodicamente a Aula Virtual, xa que se crearon materias que antes non había e seguiranse creando outras novas.

Paciencia e moito ánimo.

(18/03/2020): Recomendacións do Colexio Oficial de Psicoloxía de Galicia.

Desde a Sección de Psicoloxía Educativa do Colexio Oficial de Psicoloxía de Galicia, na cal se integran moitos psicólogos e psicólogas que exercen nos departamentos de orientación dos centros, mándannos un documento con recomendacións para a comunidade educativa (alumnado, familias e profesorado) para estas semanas tan excepcionais. 

Preme aquí para visualizar o documento.

 

(16/03/2020): ATENCIÓN AO PÚBLICO E INFORMACIÓN ÁS FAMILIAS

ATENCIÓN AO PÚBLICO:

Teléfono: 982 870 666

Correo electrónico: ies.ribadeo@edu.xunta.es

 

INFORMACIÓN ÁS FAMILIAS:

Durante o período que o centro permaneza pechado, o profesorado manterá contacto co alumnado a través das seguintes plataformas:

  • EDIXGAL (1º e 2º da ESO).
  • AULA VIRTUAL (o resto de cursos). Para calquera dúbida relacionada coa Aula Virtual, poñemos a disposición das familias a seguinte conta de correo electrónico: ies.ribadeo@gmail.com.
  • Poderán empregarse outros medios telemáticos (contas de correo electrónico, blogs, etc.) en función das indicacións que cada profesor/a dea ao seu alumnado.

8 de marzo no IES.

 

 ACCEDE AO VÍDEO DA BATUKADA FEMINISTA PREMENDO AQUÍ

Un curso máis, o 8 de marzo é unha data de conmemoración e reivindicación da que o noso centro se fai eco e na que o Comité Lila se implica de maneira activa. Nesta ocasión, e dado que a data cae en domingo, os actos organizados realizáronse no recreo do luns 9 de marzo.

Por un lado, inaugurouse a exposición de retratos resultado do proxecto “Eu tamén quero ser coma...” (6 e 7 de febreiro) promovido polo alumnado das materias de Coeducación para o século XXI (xa desde finais do curso pasado) e Educación Plástica e Visual (4º ESO) e o CIM, en colaboración coa Escola de Música e os colexios CEIP Gregorio Sanz e Sagrado Corazón (cuxas aulas levan agora o nome das mulleres retratadas).

De seguido, o alumnado e profesorado integrante da batukada feminista do IES fixo un percorrido pola planta baixa, desde o patio de columnas ao patio exterior. Trátase dun grupo no que se empregan os tambores (feitos con material de refugallo e bricolaxes compartidas durante os recreos) como liberación, para facerse escoitar e loitar polas que non o poden facer, por conseguir un mundo en igualdade para todas e todos.

Vespa velutina , un perigo para tod@s.

Antonio Valea, Marcos Villamil e Jesús  Rodríguez, membros da Asociación Os Abelleiros de Ribadeo  estiveron no noso centro para impartir unha charla sobre a Avespa asiática. Primeiro, Antonio explicounos as características desta especie invasora, como distinguila e o seu ciclo vital. A continuación, Marcos explicounos as distintas formas de loitar contra ela e a importancia de facer trampeo durante toda a primavera, para cazar raíñas e evitar así a súa expansión.

Agradecemos moito a súa axuda a e comprometémonos a axudar no trampeo. De feito, os alumnos e alumnas de 1º ESO, están elaborando nas clases de Bioloxía trampas caseiras coa axuda das profesoras Ana Rodríguez, Isabel Mojardín e Teresa Díaz. A intención é que cada un deles se faga responsable dunha trampa que colocará nas inmediacións das súa casa para contribuír á loita contra a expansión desta especie que pon en perigo ás nosas abellas, imprescindibles para nós non só polo mel e outros produtos apícolas, senón sobre todo polo seu importante papel como polinizadoras nos ecosistemas.

Tamén agradecemos ó Concello de Ribadeo que nos regalase un par de trampas comerciais coas que faremos unha pequena investigación a suxerencia de Antonio e Marcos. Imos colocalas no xardín do Instituto e comprobar se funciona mellor como atraínte das raíñas da  avespa asiática o produto comercial que nos regalaron Os Abelleiros ou o preparado caseiro de azucre, auga e levadura do que eles mesmos nos deron a fórmula.

Para a xente que non puido asistir á charla pero está interesada neste tema, adxuntamos tres cousas interesantes: as características para distinguir a avespa asiática, como facer unha trampa caseira e a fórmula para facer o atraínte para as raíñas. 

Animádevos todos a trampear, dende esta semana está aberto o concurso para ver quen captura máis raíñas de avespa asiática e o gañador terá un importante e doce premio!!!

Susi Besteiro

 

Xefa de Dpto de Bioloxía

Distribuir contido


by Dr. Radut