Skip to Content
Correo electrónico: ies.ribadeo@edu.xunta.es | Teléfono: 982870666

(20/05/2020): Seguimos cedendo material informático da Xunta e do IES de Ribadeo.

 

Recentemente, no IES de Ribadeo recibimos unha terceira entrega con 8 kits de conexión a internet e seguimos atendendo as necesidades detectadas entre o noso alumnado, tanto con este material como con ordenadores de reserva Edixgal, así como con portátiles do propio centro.

Polo tanto, se algunha familia ten problemas de conexión ou falta de medios, que se poña en contacto co centro (982870666 - ies.ribadeo@edu.xunta.es). Trataremos de buscar unha solución.

 

ADAPTACIÓNS PROGRAMACIÓNS POR DEPARTAMENTOS.

Tal e como figura nas Instrucións do 27 de abril de 2020 no seu punto 6 "Adaptación das programacións didácticas": "Os departamentos didácticos, os equipos de ciclo e os equipos docentes de cada curso (...) adaptarán a programación didáctica das ensinanzas correspondentes ao ciclo, áreas, materias ou módulos integrados no departamento, que será o referente para o profesorado que imparta a mesma área, materia, módulo ou ámbito no centro educativo". 

Premendo en cada un dos departamentos didácticos, pode acceder á adaptación das programacións didácticas dos distintos cursos e materias.

Reábrese o proceso de admisión de alumnado.

O prazo de presentación de solicitudes de admisión vai do 11 ao 18 de maio, ámbolos dous incluídos. A secretaría  do centro estará aberta de luns a venres de 10:00 a 13:00.

O alumnado dos centros adscritos non necesita realizar o proceso de admisión.

Para calquera dúbida, poden chamar ó teléfono 982 870 666.

Acceda AQUÍ á comunicación oficial.

GUÍAS: Materia, profesorado, plataforma dixital e correo de contacto.

Premendo en cada un dos grupos, pode acceder ao profesorado que imparte clase en cada unha das materias, a plataforma dixital na que colga as tarefas e a dirección de correo electrónico de contacto co alumnado.

1º ESO A 1º ESO B 1º ESO B AE 1º ESO C 1º ESO C AE
2º ESO A 2º ESO PMAR 2º ESO B 2º ESO B AE 2º ESO C 2º ESO C AE
3º ESO A 3º ESO PMAR 3º ESO B 3º ESO B AE 3º ESO C 3º ESO C AE
4º ESO A 4º ESO B
1º BAC A 1º BAC B 1º BAC C
2º BAC A 2º BAC B
ESA 1º BACEPA 2º BACEPA

Como enviar as tarefas.

No seguinte enlace está dispoñible un documento con información útil sobre as distintas formas de enviar as tarefas ao profesorado:

COMO ENVIAR AS TAREFAS

(28/04/2020): Modelos de exame ABAU 2020

Premendo no seguinte enlace, podedes acceder aos novos modelos de exame da ABAU de cada unha das materias:

https://ciug.gal/gal/abau/modelos

Para Ángeles Ríos pola súa xubilación.

A mellor partitura e os mellores desexos ante esta nova etapa, para unha gran pianista, gran profesora e gran muller! Noraboa, Ángeles. Abrazos musicais.

Comunidade educativa do IES de Ribadeo Dionisio Gamallo.

VIAXES NO TEMPO. Proxecto: Eu tamén quero ser coma...

Os días 6 e 7 de febreiro de 2020, o alumnado da materia Coeducación para o século XXI e profesorado e alumnado integrante do Comité Lila do IES participaron no PROXECTO COEDUCATIVO "Eu tamén quero ser coma..." en colaboración co CIM de Ribadeo e os colexios da contorna, na Escola Municipal de Música e Danza.

Con esta actividade preténdese sacar á luz referentes femininos esquecidos, ocultos, descoñecidos, para que as nenas teñan aspiracións a ser o que lles guste e para que os nenos perciban que unha muller ten as mesmas capacidades que un home. O alumnado e o profesorado metéronse na pel destas mulleres e interpretaron o papel diante do alumnado dos colexios, dando así a coñecer a decisiva aportación destas mulleres á historia da humanidade. 

Os resultados deste fermoso proxecto poden verse na exposición de retratos que se inaugurou o 9 de marzo na planta baixa do IES, e nun vídeo que vén de publicar o Concello de Ribadeo. A través del poderedes viaxar no tempo e deleitarvos coas historias que vos traen dende a fotógrafa Ruth Matilde Anderson ata a ciclo-viaxeira Annie Londonderry. Un total de 17 mulleres, 17 vidas, 17 historias de superación.

Está dispoñible premendo na imaxe ou no seguinte enlace:

AS VIAXES NO TEMPO: Proxecto #EUQUEROSERCOMA. Concellería de Igualdade e CIM de Ribadeo.

 

Distribuir contido


by Dr. Radut