Con motivo do Día de Rosalía, 23 de febreiro, a Biblioteca xunto co Equipo de Dinamización da Lingua homenaxeou á autora con traballos creativos do alumnado. Á proposta da Asociación de Autores en Lingua Galega, o alumnado partiu dos primeiros poemas de Follas Novas de Rosalía de Castro para sementar os seus pensamentos poéticos polo centro.

Desde o Club de Lectura organizamos unha viaxe a Santiago de Compostela para confirmar a nosa intuición: hai cousas que non veñen nos libros como, por exemplo, o recendo doutros mundos, nunca sospeitados, que atopamos nos libros antigos.De camiño a Santiago, como peregrinos lectores, visitamos a Fundación Camilo José Cela en Iria Flavia. Esta visita permitiunos coñecer un pouco máis ao noso premio Nobel de Literatura, a súa persoa, totalmente descuberta, sen a máscara dos personaxes da traxicomedia grega.Despois de saber un pouco máis do autor de A familia de Pascual Duarte e antes de chegar a Compostela, fixemos un alto no camiño na Cidad e da Cultura para coñecer a Biblioteca de Galicia. Foi unha visita moi enriquecedora, pois o noso faro particular, Fernando, levounos por mapas sen rúas, por historias ilustradas e guerras fotografadas. Na Biblioteca de Galicia aproveitamos para ver a exposición de Reimundo Patiño, a quen se lle dedicou este ano o Día da Ilustración.

Rematamos esta viaxe, xa na cidade universitaria, coa visita das dúas bibliotecas máis fermosas de Galicia: A Biblioteca América do Pazo de Fonseca e a Biblioteca Lago da Facultade de Xeografía e Historia. Entrar nestas bibliotecas foi como un auténtico viaxe no tempo.

Xuntamos esta pequena fotomontaxe e, se facedes clic enriba dela, levarádevos a un interesante vídeo sobre a experiencia.

Nos documentos adxuntos tedes a información referente ás modificacións na avaliación, promoción e titulación do alumnado para este curso escolar. Sabendo que esta información é importante e que pode ter interpretacións confusas, o centro vai organizar tres sesións informativas coas familias o 19 de abril (1º e 2º de BACH), 20 de abril (2º e 3º da ESO) e 21 de abril (1º e 4º de ESO), todas a partir das 17,30 h. Á volta da Semana Santa tamén estarán dispoñibles na web do centro, todas as modificacións dos departamentos no tocante á 3ª avaliación e final.

Xa está aberto o prazo para solicitar becas para estudos de bacharelato, FP e universitarios. Abrangue desde o 30 de marzo ao 12 de maio. Se fas clic na imaxe accederás a toda a información necesaria.

Procura non deixalo para o último día porque sempre pode haber algún problema de tramitación.

Espectacular clase maxistral a que deu Caleb, alumno de 1º ESO A, na materia de Historia Contemporanea de 4º ESO Non bilingüe, agasallounos coa proxección da obra mestra do cinema de animación da súa autoría sobre a Reconquista de Vigo con figuras de Playmobil.

Previamente recreou na pizarra o contexto histórico da época cunha teatralizada explicación dos motivos que levaron á invasión Napoleónica. Nin que falar da soltura, presenza e claridade diente da audiencia de 4ESO á que capturou ca súa narración tan ben fiada.

Agradecemos a súa xenerosidade ao compartir este fabuloso traballo de ambientación histórica que nos axuda a conmemorar o día da Reconquista dende o ROU a través do talento dun dos seus alumnos. Bravo Caleb!! Se facedes clic nas imaxes poderedes acceder aos vídeo das versións en inglés ou en galego. 

Desde o Deparamento de Eduación Plástica e Visual do IES ROU presentamos o proxecto sobre a obra de Lita Cabellut, artista catalana de fama mundial. Esta actividade está enmarcada no proxecto PLAMBE do noso centro, adicado este ano ao S.XXI foi desenvolvida polo alumnado de 4º de ESO. Esperamos que vos guste.

22/03/2022. Visita do alumnado de 1ESO C ao círculo de emprendedores de Galicia e á Terminal de Carga de contenedores do Porto de Vigo

A primeira parada da xornada foi no Círculo de empresarios de Galicia na rúa García Barbón de Vigo, onde recibiron unha charla do emprendedor vigués Manuel Montes, CEO da iniciativa emprendedora Handy Gym que revolucionou o mundo do fitness desenvolvendo unha proposta de ximnasio portatil a partir da necesidade de mellorar a calidade de entrenamento das persoas que, como Manuel, conviven co Parkinson. Trátase dunha tecnoloxía usada pola NASA para manter o tono muscular dos astronautas en ambientes sen gravidade e tamén polos mais nomeados deportistas de élite do mundo.

A sesión resultou motivadora, inspiradora e moi útil. Serviu de punto de partida para unha interesantísima reflexión que fixemos ao chegar ao IES sobre as capacidades, a de soñar, a de crear, a de arriscar e a de aportar, en definitiva , de "atreverse a emprender". Reiteramos o noso agradecemento e felicitación á Manuel Montes por achegarnos a súa experiencia. Coñece mais en:

• https://www.youtube.com/watch?v=D145RSdhuhw&feature=emb_imp_woyt

Como remate, a visita a Termavi , guiada por un excelente comunicador, Antonio Seoane, non deixou indiferente a ningún dos mozos e mozas do grupo que abriron os ollos a una anaco de cidade gañada ao mar que, malia a ter frente aos ollos a cotío, descoñecían absolutamente. A charla de loxística portuaria, chea de  aspectos técnicos, foi elegantemente adaptada ao seu nivel de comprensión o que resultou imprescindible para mantelos conectados en todo momento.

EXCELENTE PROGRAMA!!
Mercedes Martín (Titora de 1 ESO C)

A alumna Ana Sande Álvarez defendeu o pasado día 17 o seu traballo de STEMbach titulado "Estudo de Esforzos Nunha Ponte Peonil da Autovía A-55". O acto tivo lugar na Escola Técnica Superior de Enxeñeiros Industriais e a súa defensa recibiu os parabéns do tribunal, que a calificou de sobresaínte.

O traballo foi titorizado polo profesor do Departamento de Física e Química D. Cándido Carrera Vázquez e D. José Carlos Caamaño Martínez, do Departamento de Enxeñería de Materiais, Mecánica Aplicada e Construcción, da Universidade de Vigo.

Na foto que acompaña podedes ver a alumna cos membros do tribunal: D. Pablo José Martínez Rodríguez, Dna. Adela Rodríguez Rodríguez e D. Félix Fernández Abalde.

O 7 de febreiro,o alumnado de 4°ESO e parte do de 3° asistiu á conferencia "Xela Arias. Poesía e vida" impartida por Anxo Rajó e Bieito Ledo. Anxo Rajó, autor dun libro sobre a poeta na editorial Ir Indo, contounos feitos da vida da autora decisivos para entender a súa obra. Tamén explicou a forte personalidade e vixencia dos seus versos. Deseguido, Bieito Ledo, fundador e director da editorial Ir Indo, tratou a importancia de escribir, editar e publicar obras desde a súa óptica tan rica en experiencias. As cuestións do alumnado prolongaron o encontro sobre a autora recentemente homenaxeada