Neste mes de maio, seguimos festexando o Día das Letras Galegas:
- Coa axuda de alumnos de 3º de ESO, o profesor de Lingua Galega e Literatura organizou a exposición "Galegas nas letras". Situada na entrada do centro, está formada por libros das catro escritoras homenaxeadas nas Letras Galegas e novidades adquiridas este ano pola Biblioteca, tamén de autoría feminina.
- A partir dos carteis da exposición "Sombra e luz", enviados pola Secretaría Xeral de Política Lingüística e colocados tamén na entrada do instituto, os alumnos poden coñecer os aspectos máis significativos da vida e obra de María Victoria Moreno.