Skip to Content

ENTROIDO 2017

19/02/2017 12:33
28/02/2017 12:33

O venres 24 celebramos o Entroido. Este é o programa do día:

3 primeiras horas: acticidade lectiva normal.

4ª hora:

  • 2º Bacharelato: actividade lectiva normal. Non hai ata o momento persoas anotadas para o concurso. Se se disfrazan, farano no recreo.
  • ESO e 1º de Bacharelato: tempo para que o alumnado e o profesorado se disfrace. Mentres, aqueles que non o fagan -esperemos que sexan poucos!!!- participarán nos xogos que o alumnado de Artes Escénicas realizará no patio. Estes comunicarannos ao longo da semana a organización. 

 

5ª e 6ª hora: FESTIVAL DE ENTROIDO NO POLIDEPORTIVO!!!

 

ANIMÁDEVOS, SERÁ UN DÍA PARA DISFRUTAR E CONTAMOS COA VOSA COLABORACIÓN!!!!

 

COMEZANDO O 2017: ACTIVIDADES EXTRAESCOLARES E COMPLEMENTARIAS

19/02/2017

Esta fin de semana o alumando do IES de Porto do Son está a levar o nome do centro e do noso concello por Galicia adiante. Ánxela Doval, profesora do departamento de Filosofía, membro do equipo de biblioteca e coordinadora das actividades teatrais do instituto, fixo dobrete. É xa o quinto ano que os mozos e mozas do grupo de teatro están a participar  nos Encontros Caixa Escena de Galicia, que durante os días 17,18 e 19 teñen lugar na Escola Superior de Arte Dramática de Vigo. Estes son un un espazo de convivencia e de traballo arredor do teatro como ferramenta educativa. Ao tempo, desprazouse onte á tarde á facultade de Filosofía de Santiago de Compostela  para acompañar a Cristina, Pablo, UxÍa e Susana  na IV Olimpíada de Filosófica na modalidade de disertación sobre o tema “Novas tecnoloxías e identidades humanas.”. Esta iniciativa pretende potenciar o pensamento crítico a partir desta materia tan necesaria pero que vén de perder moito peso nos novos currículos educativos.

Agradecemos á ANPA a súa aportación á viaxe do alumando do grupo de teatro.

 

 

Ao tempo, os mesmos días, Carla, Clara, Manuela, Nerea e Sophía, as integrantes do grupo de Correspondentes Xuvenís do centro coordinadas por Elena González, profesora do departamento de Orientación, están participando en Gandarío no Programa de Actividades Ambientais da Dirección Xeral de Xuventude e Voluntariado. A finalidade deste programa é coñecer a zona polo seu alto interese natural, histórico-artístico, xeográfico, económico ou etnográfico. Ao  mesmo tempo que implicar aos participantes na súa conservación e fomentar as relacións grupais e a convivencia. Estas alumnas mantéñennos informadas ao logo do curso das novas que poden ser de interese para os seus compañeiros e compañeiras, son as nosas “correspondentes". Podedes seguilas no blog que acaban de abrir.  

 Destrás hai, por suposto, moito esforzo!

Vai xa alá un máis de un mes dende que comezou o 2017, e xa estivemos enredados en actividades ben interesantes!!!

Comezamos o ano con "chíos para a lingua", mensaxes de twitter, desexos para un novo ano. Abrimos "mil primaveiras", que diciía Cunqueiro, despois de ter conmemorado o 100 aniversario da creación das Irmandades da Fala:

O 16 de xaneiro, charla do Programa A Ponte a cargo do profesor Francisco Javier González, Leonardo, a representación das súas ideas para o alumnado de 4ESO, 1º de Bacharelato de Tecnoloxía e Debuxo Técnico e 2º de Bacharelato de Debuxo Técnico II.

 .

O 17 de xaneiro, presentación do II Concurso Anual Intercentros de Enxeñaría Forestal da Universidade de Vigo, alumnado de 1BACHARELATO. A ver se hai sorte!!!

 

O 17 de xaneiro os dous grupos do club de lectura xuntámonos para charlar co noso director, David Pérez Iglesias, quen gañou no 2016 o Premio Merín coa obra que lemos este mes: Todo o tempo do mundo.

 

O 18 de xaneiro o alumando do ciclo realizou unha ruta ata o monte Pindo (Carnota), xunto co alumnado do ciclo de Condución de Actividades Físico-Deportivas no Medio Natural de Gondomar.

 

 

Do 19 ao 30 de xaneiro, recibimos os nenos e nenas dos coles do concello para contarlles contos. Trátase xa dunha das actividades de dinamización da lectura que organiza o equipo de biblioteca. Dende o 2010, as Contadas na Sala Perseveira!!!

 

O 20 de xaneiro , o alumnado de 1º e 2º de ESO da materia de Valores Éticos, visitou o Museo Pedagóxico de Galicia.

 

Do 23 ao 27 de xaneiro, en colaboración co Concello de Porto do Son, Renacer impartiu ao alumnado da ESO  charlas temáticas de Educación e saúde. 1º de ESO sobre o uso das novas tecnoloxías; 2º de ESO  sobre a prevención do consumo de tabaco, alcohol e cannabis a través das habilidades sociais; 3º de ESO sobre educación afectivo-sexual e 4º de ESO arredor do uso e abuso de drogas e outras condutas aditivas.

 

O 27 de xaneiro, o alumnado de  2º de Bacharelato de Bioloxía e Ciencias da Terra, visitaron a Planta de Reciclaxe de Lousame, a EDAR de Porto do Son e o vertedoiro do Enxa.

Tamén este día, saída á Serra de Outes do o alumnado clasificado para a Fase Intercomarcal de Campo a Través do Deporte en Idade Escolar. Carlos, Roi, Alejandro, Iago, Eloy, Rayco, Lara e Manuel van deixando alto o pavillón do IES de Porto do Son! Parabéns!

 

 

Rapaces e rapazas do noso instituto construíron unha mensaxe de esperanza no Día Escolar da Non Violencia e a Paz, en resposta á proposta do departamento de Orientación.

 

O xoves 2 de febreiro tivo que cancelarse polo temporal a saída do Departamento de Bioloxía para o alumnado Bioloxía e Xeoloxía de 1º de Bacharelato a Coruña para visitar o Museo Nacional de Ciencia e Tecnoloxía e a Casa das Ciencias. O departamento prevé realizala entre o 2º e o terceiro trimestre.

 

Do 2 ao 4 de febreiro o alumnado de Artes Escénicas realizou unha viaxe cultural a Madrid. Entre outras actividades, asistiron á representación de The Ptalsrimi, de Yllana. Ao rematar tiveron un coloquio cos actores.

 

A semana do 6 ao 10, nas horas de clase, o departamento de Francés desenvolverá un obradoiro de crêpes con motivo da festividade da Candelaria co alumnado de 2ESO e 3ESO. O 2 de febreiro celébrase esta festividade cociñando as "filloas" francesas en familia; aquí fixéronno practicando a lingua de París!

     

O día 7,  charla para o alumnado do ciclo a cargo de Pablo López Quiñolas, organizador da proba Adventure Racing World Series (Raid de orientación de aventura de 5 días). 

 

 O 8 de febreiro o alumando de 4º de ESO, 1º e 2º de Bacharelato, nunha actividade organizada polo departamento de Orientación, visitou varias facultades da USC e os centros de ciclos formativos de Santiago de Compostela. A actividade insírese no marco das levadas a cabo para facilitarlles a elección dos estudos que realizarán ao rematar a súa formación no centro. Atopámonos con antigos alumnos que están xa preparando a súa formación superior!

 

O 8 de febreiro, Pablo López Quiñolas, organizador da proba Adventure Racing World Series (Raid de orientación de aventura de 5 días), impartiu unha charla ao alumnado do ciclo. Estes tiveron o día 10 un encontro cun grupo de persoas representantes dociclo da Federación de Asociacións de Persoas Xordas de Galicia.

O 13 de febreiro Jesús Campaña, antigo alumno do Ciclo, falou, para o alumnado que o cursa actualmente, do seu paso polo mesmo, das prácticas realizadas e da súa experiencia actual e profesional. 


Esta mesma semana, o mércores 15, o alumnado do ciclo e o de 4º de ESO da Ciencias do Medio Ambiente e a Saúde participou nun obradoiro de primeiros auxilios da Cruz Vermella.

 

 Do 23 ao 27 de xaneiro e do 6 ao 10 de febreiro, demos comezo ao reparto de froita dentro do Progama "Aliméntate ben". Formamos parte da rede de centros que participa neste proxecto que recibe fondos da Unión Europea e é resultado da colaboración entre a Consellería do Medio Rural, a Consellería de Educación e a Consellería de Sanidade. Ten como obxectivo a mellora dos hábitos alimenticios e de nutrición saudable no alumnado.

 

A biblioteca sacaou ao corredor os fondos sobre a AUGA, que está a ser tema de traballo por proxectos en 1º de ESO e tema interdisciplinar para o resto do centro. Podedes ver a exposción completa -que serguirá medrando ao longo do curso- na páxina do blog da biblioteca, ETIKELES. 

 

 

Bando Concello de Porto do Son

10/02/2017 14:03

Convocatoria axudas para a adquisición de material e transporte escolar

 

Ver arquivo adxunto.

Procedemento para a admisión do alumnado

10/02/2017 13:43

Procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato para o curso académico 2017/2018.

 

O IES de Porto do Son presenta aquí información facilitada pola Consellería de Cultura, Educación e Ordenación Universitaria da Xunta de Galicia que fai referencia aos procedementos de admisión e matrícula nos centros docentes sustentados con fondos públicos da comunidade autónoma de Galicia para os seguintes niveis educativos: 2º ciclo de Educación Infantil (de 3 a 6 anos), Educación Primaria, Educación Secundaria Obrigatoria e Bacharelato.

Calendario do procedemento de admisión e matrícula para o curso escolar 2017/18

Para o curso escolar 2017/18 os prazos previstos nesta orde para a tramitación dos procedementos de admisión e de matrícula do alumnado, son os seguintes:

Reserva de praza no centro de orixe 01 - 15 de febreiro
Sorteo público a efectos de desempate  Última semana de febreiro e antes do 1 de marzo
Publicación de postos escolares vacantes Antes do 1 de marzo
Presentación de solicitudes de admisión 01 - 20 de marzo
Presentación de documentación acreditativa dos criterios de baremo 10 días hábiles contados a partires dos 2 días seguintes ao remate do prazo para presentar as solicitudes de admisión
Publicación das listaxes provisionais de persoas admitidas e non admitidas Antes do 25 de abril Antes do 15 de maio
Formalización da matrícula en educación infantil e primaria 20 - 30 de xuño
Formalización da matrícula en ESO e bacharelato 25 de xuño - 10 de xullo
Prazo extraordinario de formalización de matrícula en ESO e bacharelato 1 - 10 de setembro

Ver arquivo adxunto.

ACTIVIDADES EXTRAESCOLARES E COMPLEMENTARIAS DO 1º TRIMESTRE

 

More presentations from etikeles

ELECCIÓNS A CONSELLO ESCOLAR

23/11/2016 09:50
28/11/2016 21:50

 

 

O día 28, luns, de 6 a 8,30. V

Votacións para escoller representantes das nais/pais.

Consello Escolar

 Presentaron as súas candidaturas:

- García Paz, Margarita

- Pérez Torres, María del Pilar

- Queiruga Ayaso, María

Moitas grazas.

Desde o equipo directivo animamos a que votedes.


O IES é da comunidade escolar: de toda a comunidade escolar.

FOLGA ESTUDIANTIL DO 24 DE NOVEMBRO

21/11/2016 18:18
24/11/2016 18:18

Que a nosa sociedade está en contra da LOMCE, e moi especificamente das reválidas, é xa agora unha certeza tan grande que non hai partido político, nin o que a impulsou, que non estea en disposición de iniciar un proceso de cambio da norma que máis rexeitamento cidadán leva colleitado en toda a nosa vida democrática.

Máis esa disposición ao cambio, que encubre en moitos suxeitos unha simple intención de maquillaxe, non é para nós unha moi boa noticia, nin é o resultado desexado do esforzo serio e rigoroso que levamos facendo dende o primeiro día que esa Lei nefasta foi simple bocexo de intencións. Para a Confederación ANPAS GALEGAS a actual realidade educativa non ten máis ca unha solución: derrogar esa norma, con absolutamente todos os seus efectos e consecuencias, retomar a situación previa e poñerse a traballar cara unha nova normativa  educativa que realmente puxe polos dereitos de todo o alumnado, de toda a mocidade, e que entenda  a educación como o lugar onde todos teñen acubillo, e no que se prepara ás persoas para vivir, non para traballar e dar rendemento económico.

É certo que, dentro da necesidade xeneralizada de facer desaparecer a triste realidade que a LOMCE trouxo, hai circunstancias que teñen un grao de urxencia que cobra unha moi espacial relevancia: nin a mocidade nin as súas familias podemos esquecer que o estudantado actual de 4º da ESO vaise enfrontar por primeira vez ao final deste curso académico a unha proba innecesaria, tal e como ocorreu coas avaliacións de 3º e 6º de primaria, o que sen dúbida terá a mesma resposta que aquelas tiveron os cursos anteriores.

E sobre todo non podemos esquecer que o alumnado que está a cursar 2º de Bacharelato, por exclusiva responsabilidade dos Gobernos español e galego, está a estas alturas de curso sen coñecer cal vai ser a proba que lle vai permitir acceder aos estudos universitarios, nin cales van ser os seus contidos, nin o seu procedemento avaliatorio; por primeira vez en décadas, e dun xeito innecesariamente precario, temos un curso que remata o bacharelato e descoñece como ten que preparar o seu futuro académico; e todo isto logo de que toda a sociedade, e moi nomeadamente esta Confederación, avisara durante anos da inconsistencia dunha norma que se implantou só para defender intereses económicos particulares.

Por iso, porque non queremos que a nosa sociedade viva cunha Lei como a LOMCE, porque non queremos que os nosos fillos e fillas fagan reválidas, con ou sen efectos académicos, e porque entendemos que o alumnado de bacharelato ten dereito a que o seu paso á universidade responda a un patrón programado e coñecido, esta Confederación está de acordo con todas as mobilizacións que se convoquen coa intención de acabar coas reválidas, e de derrogar á LOMCE, e estaremos alí onde ocorran para evidenciar ese acordo coa nosa presenza, ao carón dos nosos fillos e fillas.

En coherencia coa esa intención de apoio, convocamos a todas as familias galegas do Ensino Público á apoiar as mobilizacións que se realicen o próximo día 24 de novembroen todas e cada unha das súas convocatorias, e para facer visible ese apoio convocamos ás familias de todas as etapas educativas (primaria e secundaria) a secundar a folga non enviando aos seus fillos e fillas a clase ese día, e participando nas manifestacións e concentracións que se celebren.

Non vai ser a primeira vez que masivamente digamos que non queremos esa Lei, que non é nosa, e que non a admitimos como tal, que queremos unha educación para todas e todos, onde todos teñamos reservado o noso posto para nos desenvolver como persoas, achegando a nosa común diversidade na construción dunha sociedade para todas e todos; ocorrerá outra vez, e será así cantas veces sexan necesarias.

O alumnado de 1º e 2º de ESO que non vaia asistir as clases deberá xustificar a súa ausencia mediante este XUSTIFICANTE.

ELECCIÓNS DE REPRESENTANTES DE PAIS, NAIS, TITORES/AS LEGAIS DE ALUMNADO NO CONSELLO ESCOLAR

07/11/2016 18:33
18/11/2016 18:33

AVISO DA ANPA E DA DIRECCIÓN

No día de hoxe celebrouse o acto de constitución da Xunta Electoral para as eleccións ao Consello Escolar do IES de Porto do Son e quedou aprobado o seguinte calendario de actuacións (ou ver arquivo adxunto).

Publicouse no taboleiro de anuncios do centro a convocatoria de eleccións nos distintos sectores educativos e os seus correspondentes censos electorais. É moi importante que se comprobe que figuran no censo de nais e pais do centro. Se alguén non figura en dito censo ten que comunicalo en Secretaría para proceder á súa inclusión.

O prazo de presentación de candidaturas e de reclamacións ao censo é do martes 8 de novembro ao venres 18 de novembro (ámbolos dous incluídos).

É moi importante a nosa implicación neste proceso de eleccións e animámosvos a participar nel presentando candidaturas. Se queres formar parte do Consello Escolar presenta a túa candidatura, cubrindo o modelo (ou descarga arquivo adxunto) e entrégao na Secretaría do centro.

As eleccións para elixir os/as representantes de Pais, Nais, Titores/as legais serán o luns, 28 de novembro, de 18:00 a 21:00 horas no centro.

Participa no proceso! 

 

PROCESO DE ELECCIÓN DE MEMBROS DO CONSELLO ESCOLAR.

02/11/2016 14:22
02/12/2016 14:22

SORTEO PÚBLICO DOS MEMBROS TITULARES E SUPLENTES PARA A CONSTITUCIÓN DA XUNTA ELECTORAL QUE ORGANIZARA E SUPERVISARÁ O PROCESO DE ELECCIÓN DE MEMBROS DO CONSELLO ESCOLAR.

Regulada no artigo 30 do Decreto 92/1988, do 28 de abril, segundo a nova redacción dada polo Decreto 324/1996, do 26 de xullo, polo que se aproba o regulamento orgánico dos institutos de educación secundaria.

(apartado 1 do artigo 5º, da RESOLUCIÓN conxunta do 26 de setembro de 2016, (DOGA 4 de outubro)

 4 DE NOVEMBRO DE 2016 NO 2º RECREO LUGAR: SALÓN DE ACTOS

Calendario do proceso>>> aquí

OU NO ARQUIVO ADXUNTO.

REUNIÓN DE NAIS/PAIS E TITORES. (Coas reválidas ao fondo).

24/10/2016 01:32
24/10/2016 23:32

Hoxe, día 24/10/2016, reunímonos nas aulas do IES coas nais e pais do noso alumnado, distribuidos por grupos.

Agardamos que sexa unha hora proveitosa e acolledora.

Como todos os anos adxuntamos un folleto informativo para as familias que podedes descargar AQUÍ OU NO AQRQUIVO ADXUNTO

Os tempos son complexos: a incerteza sobre a implantación da LOMCE, lei contra a que hai unha forte contestación, perturba este comezo de curso.

Especialmente en 4º e 2º de BACH.Resultado de imaxes para www.revalidas

En 4º ESO, aínda que se chegue á Reválida, esta terá unha soa convocatoria e non será vinculante. O título de ESO non depende este curso do exame.

En 2º BACH, non afecta á titulación este curso, pero sí á admisión na Universidade.

As nais e pais de 2º BACH contarán cunha breve folla informativa.

Se alguén quere ampliar información pode ler este informe máis extenso, pode clicar neste link ou abrir o arquivo adxunto.

 

Distribuir contido


EQUIPO DE DINAMIZACIÓN DA LINGUA GALEGA

by Dr. Radut