Artigos, Divulgación científica, Literatura, Poesía, Musica

Entrega do Premio Cervantes a Ana Mª Matute

Hoxe celébrase a entrega do Premio Cervantes á extraordinaria escritora Ana Mª Matute, de 85 anos. Curiosamente desde a instauración dos premios só foron agraciadas dúas escritoras antes ca ela e esta barcelonesa pertencente á xeración dos "nenos asombrados" da posguerra é sobreiramente merecedora de tan prezado galardón pola imaxinación e compromiso social reflectidos nas súas novelas, así como a súa capacidade de conmover ao lector. Entre a súa produción literaria atopamos contos para nenos, relato curto e inesquecibles novelas como Olvidado Rey Gudú, Aranmanoth, La torre vigía, Los soldados lloran de noche, La Trampa e a última Paraíso inhabitado.
Aquí podedes ver unha pequena entrevista que lle fixeron hai uns días preguntándolle sobre o premio e outras cuestións.


( categories: )

23 de abril: Día Internacional do Libro

Ao longo do ano temos unha chea de celebracións e efemérides que moitas veces non sabemos moi ben de onde proceden, pois ben, neste DÍA INTERNACIONAL DO LIBRO que con tanto fervor celebra o conxunto do mundo cultural vimos de conmemorar a morte -o 23 de abril de 1616- de os dous escritores máis grandes da literatura universal: Miguel de Cervantes e William Shakespeare, xunto co Inca Garcilaso de la Vega, pero por se fora pouco tamén nesa data naceron ou morreron escritores da talla de Nabokov ou Josep Pla .

Por este motivo un organismo tan importante como a UNESCOescolleu esta data en 1995 para “render unha homenaxe mundial ao libro e aos seus autores e para alentar a todos, especialmente aos máis novos adescubrir o pracer da lectura e respectar a insubstituíble contribución dos creadores ao progreso social e cultural”. Temos que dicir que xa en España en 1926 Alfonso XIII asinou un decreto no que se creaba oficialmente a Festa do Libro Español ,en outubro, pero foi en 1930 cando se instaura definitivamente a actual data como Día do Libro , tradición que rapidamente colleu pulo en Cataluña grazas á coincidencia co día do seu santo Patrón coñecido como a Diada de Sant Jordi.

Esta data tamén é a elixida para celebrar a entrega anual dos Premios Cervantes, o máis importante galardón para as letras hispanas, e nós , a parte de con este artigo, queremos contribuír cunha sorpresa á volta de vacacións de Semana Santa.Non deixedes de pasar pola biblioteca en calquera dos recreos da semana do 26 ao 29.

Felices Letras!!!!

( categories: )

QUEEN

 

 Grupo de rock británico fundado en 1968 por Brian May e Tim Staffell co primeiro nome de Smile. En 1970 únese a eles o batería Roger Taylor e pouco despois abandona o grupo Staffel e incorpórase o xa lexendario cantante da banda Freddy Mercury, cambiando o nome polo de Queen. A razón deste nome débese a que os integrantes da banda buscaban algo que fose identificativo e doado de coñecer por calquera persoa do mundo. Un ano máis tarde, en 1971 únese John Deacon como baixista e quedaría pechada a formación do grupo que nunca experimentou cambios ata a súa desaparición.

O seu primeiro grande éxito foi en 1975 con"Bohemian Rhapsody", escrita por Freddie. En 1976 publican A day at the races e en outubro de 1978 News of the world que contén a simbólica canción "We are the Champions. Mercury xunto a cantante de ópera Monserrat Caballé gravan un disco que incluía a canción "Barcelona" que foi tomada como tema dos xogos olímpicos celebrados nesa cidade en 1992. O 23 de novembro de 1992, Freddie anuncia publicamente que padece SIDA e morre ó día seguinte.

Roger , John e Brian editan 'Made in Heaven' en 1995 con temas nos que traballou Freddie antes de morrer. A partir deste punto, a banda deixou de tocar e soamente publicou numerosos recopilatorios.

( categories: )

ANTONIO VEGA

 

Acábase de cumprir un ano do falecemento do músico madrileño Antonio Vega e dende a nosa biblioteca queremos renderlle  unha pequena e sentida homenaxe a este monstro do pop español

Antonio Vega Tellés naceu en Madrid en decembro de 1957  e xa de moi novo , en 1978,  montou a banda Nacha Pop xunto co seu curmán Nacho García Vega e xuntos lanzaron un dos seus maiores éxitos Chica de ayer seguido doutros durante os nove anos que durou a formación  como Buena disposición (1982); Más números, otras letras (1983); Una décima de segundo (1984); Dibujos animados (1985) y El momento (1987), mais o cansazo e os problemas coas drogas de Antonio levaron á disolución do grupo. Pouco mais tarde Vega comezou a súa carreira en solitario cun estilo máis intimista pero  que tivo desiguais resultados. Entre o mellor desa etapa destacaremos El sitio de mi recreo, baladas que mesturaban o mellor da súa colleita en solitario co seu típico son en Nacha Pop.Desde entón colaborou con numerosísimos artistas do panorama musical español dado o seu prestixio e non parou de editar discos e xirar por teatros ata que o sorprendeu a morte con 51 anos vítima dun cancro de pulmón que lle fora detectado meses antes.

 

( categories: )

JAMIE CULLUM

 

 

Jamie Cullum,   cantante inglés de jazz e pop

 

Jamie Cullum naceu en Wiltshire (Inglaterra) e empezou a súa carreira musical aos 16 anos tocando en bares, clubs e hoteis da súa vila. Mudouse a  Londres onde se puxo a tocar no Pizza Express, no Soho.
En abril de 2003, con 24 anos, asina un contrato millonario coa mellor discográfica de jazz, “Universal Classics and Jazz” que invirte na nova promesa 1 millón de libras esterlinas. No contrato, a discográfica comprometérase a gastar un millón de libras esterlinas na grabación e promoción da súa música, despois de varios álbumes ao longo dos seus 5 seguintes anos de carreira musical. 
 
Ese mismo ano aparece en Gran Bretaña o seu   primeiro álbum, “Twenty Somenthing” e rapidamente pasa a ser o álbum mais vendido ao longo da historia da música en Inglaterra. Jamie Cullum pasa a ser o artista que máis discos vendeu   no seu país natal, 850.000 copias e dous discos de platino en só 4 meses. 
 
Jamie Cullum obtivo o premio ao "Mellor artista Novo" na ‘BBC National Radio 3 Jazz Awards’ e tamén foi nominado como "Artista Revelación" na cerimonia de entrega dos premios Brit, xunto con The Darkness, y Dizzee Rascal.  
 
Pouco despois, co seu gradísimo éxito, Jamie levou a súa música á Estados Unidos por primeira vez. Estivo actuando durante tres semanas en The Oak Room, do hotel The Algonquin, en Nova Iorque, sendo o primeiro músico europeo branco en entrar nese santuario do jazz norteamericano. As boas críticas recibidas do New York Times o día despois do concerto abríronlle  as portas ao publico norteamericano. 
 
Tras o grande éxito en Estados Unidos, viaxou por Europa onde ten realizadas  2 xiras nas que tamén tivo grandes éxitos.
 
( categories: )
Distribuir contido