IES Poeta Añón

No ano 2019 celebramos o 150 aniversario do descubrimento da Táboa Periódica dos Elementos Químicos por Dimitry Mendeleiev. Para celebrar esta conmemoración, a UNESCO declarou 2019 como o Ano Internacional da Táboa Periódica dos Elementos Químicos.

No marco desta celebración, a Facultade de Química da Universidade de Santiago de Compostela organiza o concurso de carteis “A Táboa Periódica e Galicia”, que pretende divulgar entre o alumnado de Secundaria, Ciclos Formativos e BAC de Galicia a relevancia dos distintos elementos químicos na vida diaria.

Os tres traballos presentados polo alumnado do IES foron seleccionados entre os 30 carteis que serán expostos na facultade de Química a partir do 24 de maio.

Tántalo, o ouro gris. 3ºA.    Volframio. 3ºB.  Radon, un perigoso descoñecido. 4º. 

Éxito de participación: El Correo Gallego. Foto1. Foto2. Galería de fotos.

O alumnado de 2º de ESO viaxou a Lisboa xunto cos compañeiros do IES Virxe do Mar de Noia e participaron na celebración do Día Marítimo Europeo. Enlace ao Facebook de Climántica.

Dentro das actividades programadas polo departamento de Educación Física o alumnado de 3º de ESO participou nunha actividade náutica organizada en colaboración coa Asociación Terra de Outes e o Club Náutico O Freixo. galería de fotos.

Como en cursos anteriores realizaremos unhas xornadas informativas coas familias do alumnado de 3º e 4º de ESO nas que explicaremos as opcións que terán para continuar os seus estudos e así formalicen unha matrícula acorde aos seus intereses.

FAMILIAS DO ALUMNADO DE 3º ESO: LUNS 13 DE MAIO ÁS 7 DA TARDE.

FAMILIAS DO ALUMNADO DE 4º ESO: LUNS 27 DE MAIO ÁS 7 DA TARDE.

Con motivo do Día Internacional das Rapazas nas TIC que se celebra o 25 de abril, o CiTIUS da USC (Centro Singular de Investigación en Tecnoloxías Intelixentes) organiza unha exposición que repasa as contribucións de 10 científicas e tecnólogas destacadas para facer visible o seu legado e tamén promover vocacións tecnolóxicas entre rapazas e mulleres novas.

A delegación galega camiño de Costa Rica.

Do 6 ao 20 de abril o alumnado do IES Poeta Añón, xunto cos representantes dos centros IES Virxen do Mar, IES Xelmirez I, CPI dos Dices e CPR Cervantes participará no I Campus Climántica Iberoamérica que se celebra en Costa Rica.  Galería de fotos. Máis información no Facebook de Climántica.

Contando as experiencias na TVG. Información no xornal "El Correo Gallego".

O alumnado de 4º de ESO participa na tradicional semana da neve en Andorra.

Vídeos do programa Salvados adicado á película Campeones. Están subidos ao servidor do centro, polo que só poden verse en ordenadores do IES.

Este é o programa da VII Semana Cultural do IES POETA AÑÓN, que se celebrará entre o mércores 20 e o martes 26 de marzo.