O día 5 de novembro tivo lugar a primeira sesión de traballo da Xunta Electoral que supervisará o procedemento de renovación do Consello Escolar do IES Plurilingüe Pintor Colmeiro. Este órgano colexiado foi constituído coa seguinte composición:
- Xesús Fernández Sulleiro (director), que actuará como presidente.
- Ana María Díaz Faraldo (docente), que actuará como secretaria.
- Agar Suárez Barrio (nai), vogal.
- Pablo Mosquera González (alumno), vogal.
- Manuel Vázquez Negro (non docente), vogal.
As decisións adoptadas foron as seguintes:
- Publicar os censos electorais, que estarán dispoñibles en Secretaría para a súa revisión por parte dos membros da comunidade educativa ata o día 16 de novembro.
- Ratificar o calendario de actuacións aprobado polo Consello Escolar do centro.
- Aprobar os modelos oficiais de presentación de candidatura (ver documentos adxuntos).
Lembramos que as prazas vacantes no Consello Escolar son as seguintes:
- Representación do profesorado: 5
- Representación dos pais/nais: 3
- Representación do alumnado: 3
Aquelas persoas que desexen presentar a súa candidatura deberán utilizar o modelo oficial e rexistralo na Secretaría do centro. O prazo para facelo empeza o 6 de novembro e remata ás 13 horas do día 16 dese mesmo mes.
| Adxunto | Tamaño |
|---|---|
| Candidatura alumnado.pdf | 123.77 KB |
| Candidatura nais-pais.pdf | 123.92 KB |
| Candidatura profesorado.pdf | 123.88 KB |
